03 - 07 - 2021, 07:27 PM
|
 |
† Admin Woman †
|
|
تاريخ التسجيل: May 2012
الدولة: Egypt
المشاركات: 1,314,923
|
|
عندى كلمتين عايزه اقولهم ومحيرنى وعايزاكم تشاركونى ب ارائكم
احنا ليه مش بنتعامل مع بعض ببساطه ووضوح ليه ديما بنتعامل ب اسلوب حزر فزر اننا منقولش كل حاجه وان لازم يكون ف غموض ف المعامله ولازم ديما نسيب إللى قدامنا يخمن طول الوقت ف علاقتنا بيه
ليه حتى لما بنتعامل مع حد ب حب واهتمام نلاقيه بيتقل ويتعامل بنظام مين يتقل ع التانى اكتر
ليه منريحش بعض واحنا بنتعامل مع بعض واللى يحب حد يقوله ويعبر عن مشاعره هنفضل نتعامل بالتقل والغموض وان يبءه حوالينا 100علامه استفهام لحد امتى مفيش وقت والعمر مش هيطول وبنضيع ع نفسنا فرص مليانه مشاعر حلوه كتير
ليه لما بنظهر مشاعرنا اتجاه حد تتقابل بالتجاهل والتعالى الاسلوب إللى يخوف اى حد انه يعبرعن مشاعره خوفا من انه ينجرح ي جماعه المشاعر والاحساس دول نعمه من عند ربنا وي بختك لو لاقيت حد عنده مشاعر حلوه من ناحيتك ليه تخسره وتخسر مشاعره ناحيتك المشاعر دى إللى ممكن متلاقيهاش مع حد تانى
العمر بيجرى ي جماعه حبوا بعض واظهروا مشاعركم لبعض وخليكم واضحين واتعاملوا بصراحه ومفيش وقت للتقل التقل ده هيضيع منكم مشاعر جميله
وبلاش نتعامل بالتجاهل واللامبالاه لان الاسلوب ده بيقتل اى مشاعر حلوه اتجاهكم بلاش نتعامل بالكبرياء والتعالى ع بعض لان مشاعرنا اتجاه بعض دى نعمه من عند ربنا هتخسروها وهتخسروا صاحب المشاعر دى وهتخسروا شكلكم قدامه وافتكروا ان كل واحد مشاعره وإحساسه وكرامته غاليين عليه
حبوا بعض واظهروا مشاعركم لبعض واسالوا ع بعض مفيش وقت والعمر بيجرى اكسبوا مشاعر شخص بيحبكوااحسن متقعدوا مستنين مشاعر شخص تانى مش واخد باله منكم اصلا قبل فوات الأوان
وافتكروا ان العمر لحظه والسعاده قرار احنا إللى بنقرر نعيش السعاده و ب ايدينا نحافظ عليها
تواضعوا وبلاش الكبرياء والغرور خصوصا ف الحب
بلاش التجاهل واللامبالاه اتجاه مشاعر حد ناحيتكم لأنه مش ذنبه ولا غلطته ان اتوجد ف قلبه مشاعر حلوه ناحيتكم المفروض تفرحوا ان ف حد عنده مشاعر حلوه ناحيتكم قدروا مشاعر بعض وحافظوا عليها
عايزاكم تشاركونى ب ارائكم
|
قد تكون مهتم بالمواضيع التالية ايضاً
العرض المتطور