| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
27 - 09 - 2019, 06:52 PM
|
||||
|
||||
 ساعات تبوظ خالص و بالورقة و القلم ما فيش حل نهائى ما فيش حل.. ظلم بقاله سنين و كل الطرق مسدودة .. ما فيش حل.. سنين راحت بلا هدف و جسد ما عدش قادر وحلم ذبل و طموح بقى باهت .. ما فيش حل.. بيت متكسر و زوج و زوجة ماتت الحياة بينهم و بقوا أشباه أزواج حياة شاحبة بلا مذاق... ما فيش حل.. طلب ملح و سنين تمر و لا ربنا سائل و كأن السما بتقولك ما فيش حل.. روح متلصمة و كل ما تتوب ترجع تانى تنهزم و تتمرغ في تراب الخطية و شكلها ما فيش حل.. أبواب كتير مقفولة وراها قصص و حكايات كلها بتقول ما فيش حل.. و كل ما تبدو بارقة امل تفشل و برضه ما فيش حل.. #فيه_زمن عند ربنا سماه الكتاب زمان الحياة.. فيه وقت عند ربنا اسمه كده.. زمان الحياة.. و ترجمته في الانجليزية appointed time او الوقت المحدد.. لما ابراهيم استضاف الثلاثة رجال و هو أحد ظهورات السيد له.. ساله سارة مراتك فين؟ قاله في الخيمة.. و كأنه عاوز يقوله حتكون فين.. عادى.. في الخيمة.. لا عيل و لا تيل.. و تيل دى معناها وريث.. ايه الجديد..؟! وزى اى ست مصرية او اى ست عموما سارة رامية ودنها 😂..بتسمع جوزها بيقول ايه... ربنا يقوله طيب انا حرجع في زمان الحياة و يكون عندها ابن.. ضحكت سارة.. و قالت ابعد فنائى حيكون تنعمى.. و كانت الدورة الشهرية انقطعت عندها و دى عند الست ليها معنى شوية مش مريح لانه يخص أنوثتها و أن خلاص مستحيل تخلف و ما فيش فرصة لكده اصلا.. قَدِ انْقَطَعَ أَنْ يَكُونَ لِسَارَةَ عَادَةٌ.. بس برضه كاى ست مصرية و اى ست في العالم لازم تشيل الراجل حتة م المشكلة.. و تقول ده الراجل كبر.. قال يعنى هى ما كبرتش.. 😂.. و المشكلة بقت معقدة.. يمكن لو كان ربنا بدر شوية قبل ما تنقطع عادتها النسائية تقول فيه امل رغم كبر سنها وزى اى ست تقول ساعتها ان كان عليا العيب مش من عندى شوفوه هو .. لكن كده مستحيل يبقي فيه حل اصلا.. و ربنا عرفوه بالعقل.. البويضة اللى بيبقي فيها الجنين ما فيش.. والراجل اللى منه نطفة الحياة شاخ و ما عدش يقدر.. يعنى فرصة الحل معدومة.. ربنا ما بنعرفوش بالعقل.. ربنا بنعرفه بالإيمان.. فيه زمن اسمه #زمان_الحياة.. قالها لإبراهيم.. و قالها اليشع للشونمية " في هذا الميعاد نحو زمان الحياة تحتضنين إبن ،، و قالها لحنة و قالها ضمنا لنازفة الدم اللى نزفت اتناشر سنة و فلست و ما فيش علاج و قالها لبطرس لما الليل كله عدا و ما اصطدش. . و قالها لما ضاع ادم و راحت البشرية كلها فجه ملىء الزمان و خلص.. عدو الخير كلب مر في حروبه و مقاتل بلا شرف.. حصاره موجع.. و ضغوطه لا تنتهى.. و الورقة و القلم تقول مالهاش حل.. بس ربنا عنده زمن اسمه #زمان_الحياة .... لكل حزين.. لكل فاقد امل.. لكل فاشل.. لكل مجرب.. لكل مظلوم.. لكل دامع.. لكل من فنيت روحه... لكل متشكك.. لكل مستسلم.. لكل يائس.. ربنا مش بتاع سما بس.. ربنا بتاع سما و ارض برضه.. بس ارض ما تعطلش السما... هل يَسْتَحِيلُ عَلَى الرَّبِّ شَيْءٌ؟ فِي الْمِيعَادِ أَرْجعُ إِلَيْكَ نَحْوَ زَمَانِالْحَيَاةِ وَيَكُونُ لِسَارَةَ ابْنٌ». انتظر #زمان_الحياة حتى لو ضحكت .. و لكل سارة لازم يكون لها إسحق ابن 
|
|
#2
27 - 09 - 2019, 06:53 PM
|
||||
|
||||
|
عدو الخير كلب مر في حروبه و مقاتل بلا شرف.. حصاره موجع.. و ضغوطه لا تنتهى.. و الورقة و القلم تقول مالهاش حل.. بس ربنا عنده زمن اسمه #زمان_الحياة .... موضوع مميز ربنا يباركك
|
|
#3
28 - 09 - 2019, 09:30 PM
|
||||
|
||||
|
ميرسى على مرورك الغالى 
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| نحو زمان الحياة | walaa farouk | معلومات عن الكتـاب المقدس | 0 | 17 - 01 - 2024 11:22 AM |
| (تك 17: 10) فقال: «إني أرجع إليك نحو زمان الحياة | Mary Naeem | ايات من الكتاب المقدس للحفظ | 0 | 25 - 11 - 2023 01:25 PM |
| لأن الحياة الحاضرة بالحقيقة هي زمان السيرة الحسنة | Mary Naeem | أقوال الأباء وكلمة منفعة | 0 | 24 - 06 - 2022 03:58 PM |
| نحو زمان الحياة هاكون مفرح قلبك | walaa farouk | كلمة الله تتعامل مع مشاعرك | 2 | 02 - 12 - 2021 09:46 PM |
| فقال: «اني ارجع اليك نحو زمان الحياة | Mary Naeem | ايات من الكتاب المقدس للحفظ | 0 | 14 - 12 - 2018 06:04 PM |
العرض العادي
