زوّادة اليوم: الفرح بالعطاء 2019/7/30

[souad jaalouk]

زوّادة اليوم: الفرح بالعطاء

بتخبر صبيّة من عيلة فقيرة كتير انها كانت متفَوقة بجامعتها لدرجة انّو تقدّملها منحة دراسية 100% حتّى انها بتغطّي السكن و الأكل!
بس نقول أكل، المقصود ترويقة غدا و عشا و مع كل وجبة حبّة فواكة. كانت هالصبيّة تجمّع حبّات الفواكهة و تاخدن معها عا اوضتها و تحطّن بكيس. من الاثنين للجمعة كانت تكون مجَمعة 15 حبّة تاخدن معها عا بيتها حتّى تقضّي عطلة نهاية الأسبوع و كانت تِتْشاركن مع اهلها و اخواتها اللي ما كانو قادرين يشترو من هالإشيا! بتقول هالصبيّة انها تعلمت انّو كانت تحسّ بسعادة كبيرة لمجرّد انها شافت عيون عيلتها عم تلمع فرح. بتكمّل و بتقول تعلّمت انّو الفرح هوّي بالعطاء مش بس ناخد اشيا النا!...الله معكن