٦ خطوات لما ناس تكرهك بلا سبب

[walaa farouk]

كتب داود عن نفسه (و في نفس الوقت بروح النبوة عن السيد المسيح ) أن هناك من :
"يبغضونني بلا سبب" أكثر من شعر رأسي (مزمور ٦٩ : ٤)
و من "قاتلوني بلا سبب" (مزمور ١٠٩ : ٣) ..
و من "اضصهدوني بلا سبب" (مزمور ١١٩ : ١٦١) ..

بقي حد يصدق ان داود صاحب الوجه الجميل و الصوت الاجمل
و الخصال الاجمل و الجمل حد يكرهه ؟؟

طيب بلاش داود اللي ممكن يبقي فيه عيوب زي كل الناس ، نيجي للسيد المسيح
، حد يكرهه؟ بقي إله الحب ، اللي ما عملش غير الخير و فرّح كل قلب،
و مات علشان الكل ، حد يكرهه؟؟

و فيه ناس كده ، تعمل مهما تعمل ح يكرهوك من غير سبب
و لو ركبت جناحين و طرت في الهوا ، و لو كنت بتجيب زيت من ايديك ،
و لو قلت للميت قوم فيقوم !!

السبب مش عندك ، عندهم .. انت بتعمل خير و هم بيعملوا شر
، طبعهم الغيرة و الحقد ، ما يحبوش الخير لحد
، و ما يحبوش حد احسن منهم .. ما يقدروش يناموا من غير ما يكسروا نفس حد

و ينهشوا سيرته و يغلطوه و يتمنوا له الغلط ..

نعمل ايه ؟؟ ٦ خطوات ..

اولا : افتكر ان سيدك و سيدي اتعمل فيه كده و يا بختنا أننا علي خطاه..

و ثانيا : أوعي ثقتك في نفسك تتهز، و ده اللي هم عاوزينه..
صدق نفسك و خللي عزة نفسك جاية من السما ..

ثالثا: أوعي ترد عليهم و لا تضيع وقتك معاهم، و الا المواضيع ح تكبر ،
و اللي في قلبهم في قلبهم و ربنا يساعدهم و يهديهم..

رابعا : ده الوقت اللي اخلاق المسيح تبان فيك ..
صلي لهم و حبهم و احسن لهم و اتكلم عليهم بالبركة و الحب ..

خامسا : هم كده ساهموا في نجاحك اكتر و شهروك ووسعوا خدمتك ..

سادسا : اطمن ربنا هو اللي ح يدافع و يزود نورك و يعلي نجمك و يرد لك حقك و يدافع عنك ..

[Mary Naeem]

اطمن ربنا هو اللي ح يدافع و يزود نورك و يعلي نجمك و يرد لك حقك و يدافع عنك

آمين يا رب

[walaa farouk]

ميرسي على مرورك الغالى