زوّادة اليوم: وين في محبّة في يسوع

[souad jaalouk]

زوّادة اليوم: وين في محبّة في يسوع

بتعرفو ليش سألو يسوع لبطرس أتحبني؟ و مش مرّة وحدة! كان مُصِرّ و عاد السؤال تلات مرات! ليش مثلا ما سألو غير شي؟ لسبب بسيط كتير... ما سأل إلّا عن الحب لأنّو هوّي المعيار الوحيد اللي بتنقاس فيه علاقتنا بالرب و بين بعضنا!
اذا بتحبّ الرب من كل قلبك اكيد رح تتبع وصاياه هوّي اللي قلّك حبّ قريبك كنفسك. هيك رح تحبّ كل انسان بتلتِقي فيه بغضّ النظر اذا هوّي بادَلَك هالمحبّة او لأ! أدّ ما كان في اشيا بتفرّقكن ما تزهقو تفَتْشو عا اشيا مشتركة. بالنهاية وين ما في محبّة في يسوع و وين ما في يسوع في محبّة! حبّو بعضكن و ما تخلّو الشرّير يربح و ينجح يفرّق ولاد الله عن بعضن...الله معكن