رايح فين يا عم كيهك

[walaa farouk]

حوار رائع

- إيه ده 👨 !!! إنت رايح فين يا عم كيهك ؟!! 😳
- عم كيهك : خلاص يا بنى 😪.. السبت الجاي هيكون
..عم برموني داخل عليا من بعيـــــــــــــد .. شايفه آهو هناك آهو؛ فلازم قبل ما الشمس تغرب ☀ أكون لامم حاجاتى و راجع تانى
- عم برموني 😥 ده مين ده ؟
- ده راجل طيب .. هيقعد معاكو 3 أيام السنة دي .. إكرموه كويس ده مش بنشوفه كتير 🙂
-وجاي يعمل إيه عم برموني؟
- جاي عشان يخليكو تستعدوا كويس لعيد الميلاد
- بس إنت جريت بسرعة أوي السنة دي يا عم كيهكي 😞
- ما انت عارف يا بنى .. عم برموني دايمًا بيآخد من اليوم اللي قبل العيد .
. لكن نشكر ربنا السنة دي أخد أكتر من يوم.
. و بعدين فيه حاجة السنة دي أنا قعدت معاكو 4 آحاد واستلفت آخر أحد من عم هاتور الراجل الطيب عشان عجّزت معايا في الآحاد.. يا رب تكونوا إتبسطوا السنة دي 🙂
- طب إنت هتوحشنا أوي يا عم كيهكي، ما تقعد شوية كمان
- معلش يا بنى .. أنا لازم ألمّ ألحاني و أمشي 💽 📀 .. الوقت إتأخر .. هُومّا كلهم لحن الذكصولوجية بتاع تين إتشيسي إممو و لحن الإبصالية الواطُس اللى هناك ده أيوة ..
هاتو كده ..
-إيه ده ... ده مديح العليقة
-أيوة مضبوط يابني وزن الإبصالية الواطُس هو وزن العليقة ..
كمان هاتلي لحن الإبصالية الآدام اللى هو زى مديح أجيوس أوثيئوس
و دور لي كدا على الشيرات الكيهكي .. هتلاقي حجمها كبير " أصلها أكبر حاجة "
و متنساش تجيب لي كمان تفاسير ثيؤتوكية الأحد اللي بطريقة حبيبي المُعلم توفيق المحرقى .. أصله صعيدي زيي
-صعيدي .. هو إنت صعيدي؟!!
-إنت متعرفش يابني إن أهل صعيد مصر هوما أول ناس صاموا في الشهر بتاعي .. دول حبايبي،
وريني كدا ناقص إيه ما أخدتهوش .. تقريبًا خلاص كدا
- طب بالنسبة للحن مقدمة الذكصولوجيات تى بارثينوس
و لحن چيه إف إسمارؤوت الكيهكي و أمدح فى البتول و يا م ر ي م
هتسيبهم صح 😃
- كويس انك فكرتني هاتهم دول أنا كنت ناسيهم
- يا ريتنى ما فكرتك 😞
- دول بتوعي أنا .. روح بقى ناولنى بقى التاج بتاعي ♚
و الخاتم كمان 💍
- تاج! o.O تاج إيه ؟
- يا بنى لحن التوزيع الكيهكي .. ده حتى اسمه على اسمي
و الخاتم .. لحن المزمور الكيهكي اللي بيتقال قبل الإنجيل
دول بتوعي انا بس برضه
- ياااااااه ... ده انت كده ماسيبتش حاجة😏
- لا .. لا .. سيبتلكوا حاجات كتير
- فين .. فين ها .؟
- يا بنى ده الصوم الكبير مليان ألحان فى التسبحة من بتاعتي 🎤
و عيد الميلاد اللى بعد عم برموني .. التسبحة بتاعتو فيها ال نصف الليل و الهوس الكبير و أل الهوس .. كلها ألحان جميلة من اللي قولتوها معايا

- ياااااه .. ده فيه الحان حلوة أوى
بس انت برضه هتوحشنا اوى يا عم كيهك
احنا مش هنشوفك تانى ولا إيه
انت جاى امتى تانى ؟
- ها ها .. أول شهر ديسمبر 2019 بالليل
هآجي تكونوا مستنيين 🕛
كل واحد في كنيسته 💒⛪
يااااه .. الكلام خدنا و الشمس قربت تغرب✨ ل
ازم أمشي و أسلم عم برموني المكان لحسن يحصل لغبطة في الطقس
- ماشي سلام .. 👋
بس خود دى كنت هتنساها
- دى ايه دى يا بنى
- ده الرومي و المعقب انت كنت هتنساه
- ها ها ها .. فعلاً كنت هنساهم
- خود كمان دا لحن أريبصالين بتاعك
-براڤو عليك إنت مذاكر الطقس القديم كويس
وعارف إن ساركيس حبيبي لمّا عمل لحن آريبصالين،
عمله عشان يتقال في كيهك بس ، أينعم هى بتاعتى و خاصة بيا ..
لكن انتو زماااااان قعدتوا تقولوا : ( بنحبها يا عم كيهك .. سيبهلنا يا عم كيهك )
و انا مقدرش أكسفكم و سيبتها لكو عشان تقولوها في التسبحة طول السنة
- هتوحشني نغمات الحانك يا عم كيهك ❤ ♥
- و انتو كمان هتوحشني سهركم و لمّتكم فى الكنائس
الملايكة فرحانة بيكم أوي
.. إنت عارف إني مرة كنت قاعد في الكنيسة مع القديس يوحنا ذهبي الفم
، لقيت بيقول للشعب بتاعه: إتفرجوا ع المصريين
إزاي بيسبحوا طول اليوم صبح و ليل .. 👼
انتو بقيتو عاملين زى السارافيم بتسبحوا علطول
لكن خلي بالك ... أنا كل شوية هسأل عليكو .
. و اشوفكو بتصلو التسبحة ولا لأ
هو إنت نسيت إن التسبحة طول السنة مش في كيهك بس ولا إيه ..
يلا .. أنا لازم أمشي عم برمونى جه آهو .. باى باى
-باى باى يا عم كيهك، نشوفك السنة الجايــــــــــة منتظرينك
- أوجاى يا ولاد .. أوجاي✌

[Mary Naeem]

يلا .. أنا لازم أمشي عم برمونى جه آهو .. باى باى
-باى باى يا عم كيهك، نشوفك السنة الجايــــــــــة منتظرينك
- أوجاى يا ولاد .. أوجاي

في منتهى الجمال يا قمر
ربنا يباركك

[walaa farouk]

ميرسى على مرورك الغالى