|
 |
 |
 |
|
رقم المشاركة : ( 1 )
11 - 06 - 2017, 07:39 PM
|
|||||||||||
|
|||||||||||
 في مسلسل لمعي القط بصرف النظر عن انها بترشم الصليب بإيدها الشمال وبصرف النظر عن انها رشمته غلط اساساً يجوز المخرج معندوش درايه كامله هو بيعمل ايه ومابيحبش يسأل، ويجوز هي خافت ترشمه صح :D بس مش دي المشكلة خالص ، مشهد عشر ثواني وراح لحاله بس فيه افكار كتيرة جدا بيتم عرضها ومش بتروح لحالها نقط كتير مغلوطه ماليه المسلسلات والافكار بتفضل في ذهن المشاهد ، وتترسخ وتكبر جواه ومعلومات كتير غلط في اذهان المجتمع وبيتوارثها جيل بعد جيل بدون اي محاولة للفهم او التصحيح في مرة جه صديق ليا وفتح معايا موضوع الخمر من وجهة النظر المسيحيه لقيته بيقولي الخمرة عندكم حلال ولا حرام قولتله حرام طبعاً قالي بس تقريبا فيه يوم في السنة متاح فيه الشرب قولتله معقول حاجه الدين يحرمها كل ايام السنة ويحللها يوم !! ده احنا عندنا ايه صريحه اتكلمت عن الخمر بالتحديد بتقول " وَلاَ سَارِقُونَ وَلاَ طَمَّاعُونَ وَلاَ سِكِّيرُونَ وَلاَ شَتَّامُونَ وَلاَ خَاطِفُونَ يَرِثُونَ مَلَكُوتَ الله " قولتله ياصاحبي اللي بيشتم مش بيروح " الجنه " فمابالك باللي بيسكر حتى الحلفان ربنا نهانا عنه ، وقال ماتحلفش باي شئ ولا حتى بشعر راسك ، لان مش بإيدك تخليها بيضا او سوده دين زي كده يسمح بالخمر ! فلقيته فتحلي قلبه اكتر وقالي حاجات تانيه صدمتني خصوصا اني بسمعها من شخص متعلم زي ريحتنا الوحشة والبوس في الكنيسة واننا بنعبد تلات الهه وغيره وغيره ازاي واحد ناضح ودارس ومثقف عنده كل الافكار الغلط دي امال الناس البسيطة الغير متعلمه يعملوا ايه !! منتظرين اعمال هادفة بجد تشيل الغل من القلوب منتظرين تصحيح المفاهيم الغلط منتظرين برامج يتم عرضها في التليفزيون برعاية الازهر والكنيسة ، مش بهدف ان كل واحد يطلع يبشر بدينه لكن بهدف ان كل واحد يصحح الافكار الغلط اللي منتشره والناس بتصدقها علشان نقدر نتعايش مع بعض بكل محبة حقيقيه بعيدا عن اي مشاحنات ، احنا شعب طيب واصيل على فكرة انا مش متعصب خالص ، انا غيور علي ديني فقط وحبيت اوضح مفهوم بسيط لكن عمر الغيره ماتوصلني اني اعادي غيري او اقتله لمجرد انه مختلف معايا انا بصحح مفاهيم مش اكتر ، وان متصححتش ، مش هعمل اي حاجه  لاني مش محامي الله على الارض ، هو قادر يغير وينور 
|
| أدوات الموضوع | |
| انواع عرض الموضوع | |
|
العرض الشجري