لن أتزعزع...
في أكثر من موضع في الكتاب المقدس اتكررت كلمة "اثبتوا"، فالثبات عطية وبركة ربنا منحها لأولاده وقالهم "من يأكل جسدي ويشرب دمي يثبت في و انا فيه" (يو 6: 56). ورد فعلنا أمام الوعد والعطية اللي ربنا بيقدمها لنا في كلمة "اثبتوا" هو اننا نقدم له وعد "لن أتزعزع إلى الأبد" (مز 29: 6)... عايز أمسك فيك يا رب، وأقول زي العروس في سفر النشيد "أمسكته ولم ارخِه" ( نش 3: 4). مش عايز كلمة تقلقني أو خبر يزعزعني أو حرب أو خطية تفصلني عنك. الثبات مستحيل يتحقق غير فيك يا رب لأن كل ما في هذه الدنيا متغير، فالانسان بيتغير والظروف بتتغير والامكانيات بتتغير وحتى المبادئ أحياناً بتتغير... لكنك أنت الوحيد اللي ثابت، عشان كدة لما تكون أمواج البحر بتخبط فيا والتيار بيشدني بعيد، الحل هو اني امسك في صخرة قوية ثابتة لا تهتز بأي شئ، والصخرة الوحيدة القوية والثابتة هى انت يا ربي يسوع المسيح.
07 - 02 - 2014, 07:23 AM
العرض الشجري