يرضيكم أنتم ياناس

[Haia]

الحديث فى القرأه الصحيحه للفرق فيما بين، طبيعة الذات وعمل الشيطان له مزاق مميز، لأنه جزء كبير من عمل الشيطان هو أقناعنا أن كل خطأ أو خطيه هو عباره عن عمل للشيطان، وبهذا يحدث لنا نوع من التواكل، والبعد عن الحقيقة، وبالتالى تستمر الأخطأ النابعه من طبيعة الذات فى الأستمراريه،بدون محاوله فعليه لعلاجها،
واليوم معانا شماس، والأسم شماس والفعل شماس وحتى المهنه شماس، هو شماس على المقاس، بيخدم فى القداس، مش مهم الجوهر _ أنما يهم منظره أمام الناس فى القداس،
حتى ولو كانت خدمه شكليه من غير أحساس، أهو كله خدمه والمهم مدح الناس .
- كان الوقت مساء يقارب الحادية عشر فى أحدى الدول التى تشتهر بالشتاء القارس، وكان ابونا راكب عربيته وراجع بيته، وفى لحظه خطر فى باله أخونا الشماس، هو الأن بينتهى من ورديته . وممكن أخده فى طريقى أوصله لبيته، وبالفعل ذهب الأب إلى المصنع اللى بيشتغل فيه الشماس، ودخل يسأل عليه، قابلته المديره وأخبرته أن الشماس سوف يحضر خلال دقائق فقط بيغير ملابس الشغل، وبدأت المديره تنظر لأبونا بشكل فاحص وفى النهايه سألت أبونا . هل أنتى كاهن . أجابها أبونا بالأيجاب . أنا كاهن أرثوزكسى . ردت المديره وقالت أنا عرفت هذا بس حبيت أتأكد ولأنى قرأت كتير عن المسيحيه فى مصر . لكن المديره أظهرت علامة تعجب وقالت _ هو أخونا الشماس مسيحى _ رد أبونا وقال بالطبع مسيحى ده حتى كمان شماس . أعتزرت السيدة وقالت أسفه لأنى ما كنتش أعرف .خرج الشماس . متهلل وفرحان علشان شاف أبونا . وكمان ها يستريح من البرد القارس . وركب العربيه جنب ابونا وطبعا نضحك شويه ونتكلم بدلاله شويه وممكن نكتتين على الماشى .
وأبونا فى صمت كامل . بدون أى معانى للتجاوب مع الشماس . هنا صمت الشماس وبدأ أبونا فى الكلام . شماس شماس ليك كام سنه بتشتغل عند دى الناس . رد الشماس وقال 9 سنوات يا أبونا . رد أبونا وقال 9 سنوات مفيش فيها حد عرف أنك مسيحى .9 سنوات أنكرت فيها مسيحك . وربنا قال اللى ها أنكره قدام أبى هو اللى ها ينكرنى قدام الناس !!!!!!!!!!! . أسمع يا شماس . ما تخدمش بكره فى القداس . أرجع وحاسب نفسك وشوف فين راح الأحساس . حلوه الخدمه . حلوه الخدمه . حلوه الخدمه بس ما تنكرش حبيبى قدام الناس . وبكده أظهر لينا أبونا أن الشماس كانت طبيعة حياته هى اللامبالاه فى أظهار مسيحيته . كان شويه كسلان . يهتم بالخدمه لكن مش بالجوهر . يهتم بالمظهر الخارجى لكن مش بالمنظر المسيحى .
كان يهتم بالخدمه . لكنه لم يهتم بخلاص نفسه . وترك طبيعة الذات تتحكم فيه وهى الكسل وعدم الأهتمام . ولو أنكشف ها يقول سامحنى يا أبى ده الشيطان هو اللى عمل كده .

يرضيكم أنتم ياناس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !