الله بيستخدم حتى تعبنا ومرضنا وضعفنا

[walaa farouk]

ربنا ما بيسيبش ولا لحظة من حياتك تروح هدر
.. حتى اللحظات اللي كانت تقيلة عليك
.. حتى المرض اللي أنهكك..
حتى الوجع اللي خبّيته..
وحتى الضعف اللي كنت فاكر إنه هيوقعك.
الحاجات اللي انت شايفها عبء.
. هو شايفها أدوات تشكيل.. أدوات تقوية..
أدوات نعمة معمولة مخصوص ليك.

تعبك ممكن يكون بيكبّرك من جوه..
مرضك ممكن يكون بيليّن قلبك ويقرّبك منه أكتر..
ضعفك نفسه أوقات بيطلع أعظم شهادة لقوته فيك.

ربنا بيعرف ينسج من خيوط الوجع أعظم قصص القيامة..
وبيعرف يحوّل انكسارك نقطة انطلاق..
وبيعرف يطلع من أصعب تجاربك أعظم بركاتك.

إلهنا ما بيستخدمش بس نجاحاتك..
ده بيستخدم جروحك..
دموعك..
وصمتك..
وخوفك..
وضعفك..
علشان يطلع منك إنسان أقوى.. وأنقى.. وأقرب لقلبه.

الله بيستخدم حتى تعبنا ومرضنا وضعفنا.