بنحط بين ايديك كل شخص محتاج لمسة شفا

[walaa farouk]

بابا السماوي..
إنت قلت في كلمتك
«المحتاجين إلى الشفاء شفاهم» (لوقا ٩:١١).
إحنا جايين نحط كل مريض بين إيديك،
إنت أعظم طبيب ، و رحيم على أولادك.
إنت قلت: «تعالوا إليّ يا جميع المتعبين
والثقيلي الأحمال وأنا أريحكم» (متى ١١:٢٨).
اللي تعبان من مرضه، إدي له راحة،
واللي قلبه قلقان قبل العملية، إملأه سلام.
يا رب، زي ما شفيت الأعمى،
وأقمت المقعد،
ولمسة من النازفة التي قالت «إِنْ مَسَسْتُ وَلَوْ ثِيَابَهُ شُفِيت.»
و لمست المفلوج .. بسبب إيمان أصدقاءه
إلمس كل جسد متألم النهارده،
إدي له شفاء من عندك.
بارك الأطباء والممرضين،
إديهم حكمة ونعمة،
وخلي إيدك مع إيديهم.

إنت قلت: «أنا هو الرب شافيك» (خروج ١٥:٢٦).
إحنا واثقين في كلمتك،
وواثقين إنك حاضر في أوضة العمليات،
وفي كل سرير مريض،
وفي كل نفس بتصرخلك.
يا رب، إدينا نشوف مجدك في حياتهم،
وتكون حياتهم شهادة عن محبتك ورحمتك.
آمين