|
 |
 |
 |
|
رقم المشاركة : ( 1 )
20 - 07 - 2025, 08:25 AM
|
|||||||||||
|
|||||||||||
|
كومباوند ( ستر العلى ) ⛺️ الساكن فى ستر العلى .. يستريح 😀 ايه ده ؟ يعنى ستر العلى ده سكن ؟ ينفع اسكن هناك يعنى ؟ اه .. اه فعلاً .. المزمور ٩١ قال كده بالحرف 😀👌 وييجوا يسألوك .. انت ساكن فين ؟ ‼️ فترد كده بكل ثقه .. ساكن فى ستر العلى 😊 طيب اللى ساكن فى الكومباوند العظيم ده بيستمتع بأيه من المميزات اللى مش موجوده فى اى حته تانى ؟ 🤔 اول حاجه .. يستريح .. ( فى راحه يعنى ) .. و ده مش معناه مافيش ألم و مُعاناه 😉 بس فى وسط الألم و المُعاناه هيكون فى راحه من نوع مختلف ✋️ بيقول كده الكتاب فى الرسالة الثانية إلى كورنثوس الأصحاح 1 اية 7 عَالِمِينَ أَنَّكُمْ كَمَا أَنْتُمْ شُرَكَاءُ فِي الآلاَمِ، كَذلِكَ فِي التَّعْزِيَةِ أَيْضًا. ❤️ كمان .. الهى هناك فأتكل عليه .. اوبشن كده خاص بسُكان المنطقه دى ان الهى هناك سند و ضهر 💪 عد معايا كده الإتكال عليه ده أخرته ايه ؟ ينجى .. يظلل .. يطمن .. يُحيط .. مايخليش الشرور تقرب للساكن فى ستره .. ايه العز ده كله 🤔 لسه 🤌 الساكن فى المنطقة دى مابيمشيش ع الأرض ✋️😂😎 اه صدقنى زى ما بقولك كده 😎 أمن الكومباوند هناك بيشيلوه من ع الأرض شيل بيخافوا عليه رجله تتخبط فى اى حجر فى الأرض 🙃 لأَنَّهُ يُوصِي مَلاَئِكَتَهُ بِكَ لِكَيْ يَحْفَظُوكَ فِي كُلِّ طُرُقِكَ. عَلَى الأَيْدِي يَحْمِلُونَكَ لِئَلاَّ تَصْدِمَ بِحَجَرٍ رِجْلَكَ. ( سفر المزامير 12-11:91 ) ❤️ انا محدش عمل معايا كده قبل كده 😂✋️ بصراحه كده : يا_بخته_اللى_ساكن_فى_ستر_العلى 😍 مٌتاح_وحدات_سكنية_فى_ستر_العلى ✋️❤️ العنوان_مايتوِّهش 🤚👀🧭 
|
| أدوات الموضوع | |
| انواع عرض الموضوع | |
|
العرض الشجري