واطاع حتي الموت

[walaa farouk]

احنا دايماً بنحب نمشي على القوانين
عشان بنخاف من عقوبة كسر القوانين
أولادي بيعملوا الصح علشان خايفين لما يغلطوا من العقاب
الغريبة إن المسيح دايماً بيتكلم إن مش ده شكل العلاقة اللي عاوزها بينه وبيننا
عاوز علاقة أساسها الحب علاقة مبنية على انا باعمل عشان باحبك
ودايماً المشكله اننا مش عارفين نحب من كل القلب
والفكر دايماً أصول الخطية وجذورها ساكنة في قلوبنا للآخر
لكن المسيح أطاع لانه عرف يحب

وَإِذْ وُجِدَ فِي الْهَيْئَةِ كَإِنْسَانٍ، وَضَعَ نَفْسَهُ
وَأَطَاعَ حَتَّى الْمَوْتَ مَوْتَ الصَّلِيبِ." (في 2: 8).

يمكن لو كنت حقيقي وقدرت أقول إني مش قادر أحبه
ده هيساعدني …
أو إني أطلب منه ساعدني أعرفك فأحبك بشكل حقيقي
ساعدني أحب فأقدر أطيعك وأنفذ وصاياك بكل حب