مفيش شبع هيحصل مهما الواحد امتلك

[Mary Naeem]

مفيش شبع هيحصل مهما الواحد امتلك!

والكتاب بيحذرنا من الخطية دي لما قال: «لأَنَّ كُلَّ مَا فِي الْعَالَمِ: شَهْوَةَ الْجَسَدِ، وَشَهْوَةَ الْعُيُونِ، وَتَعَظُّمَ الْمَعِيشَةِ، لَيْسَ مِنَ الآبِ بَلْ مِنَ الْعَالَمِ» (١يوحنا٢: ١٦)، اللي بتشوفه عنينا مش كل الحقيقة. على الرغم من إننا عارفين الحقيقة دي إلا إننا بننساها!

كل اللي نشوفه من ضحك وعلاقات وممتلكات، سفر وأجسام رشيقة وحاجات كلها مبهرة، كواليسه مختلفة تمامًا عن اللي ظاهر لينا! قصص الانتحار مثلاً لناس كان أبعد ما يكون عن خيالنا إنهم يكونوا يائسين أوي كده من الحياة! أخبار مشاهير التلفزيون الواقعين في إدمانات مختلفة، والإدمان بيبقى سببه الرئيسي مداواة الذات من وجع هو مش قادر عليه!