|
 |
 |
 |
|
رقم المشاركة : ( 1 )
10 - 08 - 2022, 07:57 AM
|
|||||||||||
|
|||||||||||
 زمان كان فيه رضا لانك كنت بتشوف اصدقائك لما تقابلهم فقط غير كده لا تعرف عنهم حاجه ولا يعرفوا عنك حاجه كنت عايش جوه دايره على مقاسك وعينك شايفه كويس على مستوى نظرك من غير ماتبذل مجهود او ترفع راسك دلوقتي مع السوشيال ميديا المقابله اتطورت ومباقتش مشهد في شارع وراح لحاله انت دخلت معاهم بيتهم ، اوض نومهم مصايفهم ولبسهم واكلهم وشربهم دخلت معاهم الشواطئ وشوفت عيشتهم رغم انك قاعد على سرير بيتكم الدايره اتفتحت ووسعت بزياده والعين مابقتش شايفه على مستوى النظر ، ولازم تشب على طراطيف صوابعك علشان تحاول تشوف شوفت عندهم كم عربيه والوانهم ايه وبيروحوا بيهم فين شوفت تذاكر طيرانهم والسيلفي مع السحاب شوفت اشكال والوان فساتينهم شوفت مدارسهم ومدارس اولادهم الخاصه انت فجأه اتاخدت من عالم على مقاسك لعالم مِهَرول عليك دخلت في دايرة المقارنه والتذمر وعدم الرضا دخلت لدايره اشمعنى وليه ولأمتى انت اتاخدت فجأه على خوانه وحسيت انك صغير بعد ماكنت شايف نفسك كبير انا مابعتبروش تواصل اجتماعي ، بعتبره تنافس اجتماعي مين يزود ! وكله على راس الغلبان لو حاسس ان الموج عالي وهايفقدك سلامك غمض عينيك وماتبصش بس عموما اللي اقدر اقولهولك كل واحد بينشر الجانب المضئ من حياته لكن مازال فيه جانب مظلم كله وجع محدش يعرف عنه حاجه منزل صورته على البحر لكن مش منزل اشاعاته وتحاليله اللي في العربيه منزل صورة ابنه في المدرسه الخاصه لكن مش منزل درجاته منزل صورته في الشغل لكن مش منزل صورة القرض اللي واخده من البنك منزله صورتها في فرح صاحبتها بس مش منزله الشات اللي متخانقه فيه مع خاطبها وامثله غيرها كتير ،،، ميزان ربنا عادل ، وكل واحد فينا عايش بحاجه وجعاه عموما اياً كان المشهد .. ماتصدقش كل اللي تشوفه ولا تتحسر عليه Log out لو مش هاتعرف تقول الحمدلله 🙏 
|
 |
|
| قد تكون مهتم بالمواضيع التالية ايضاً |
| الموضوع |
| قول ل زمان ارجع يا زمان |
| لكل شيء زمان |
| أحكيلنا يا زمان على اللى كان زمان |
| فاكرين زماااان وايام زمان وحاجات زمان |
| أيام زمان .. ياسلام على أيام زمان |
العرض العادي
