|
 |
 |
 |
|
|
|
رقم المشاركة : ( 1 )
27 - 07 - 2022, 12:44 PM
|
|||||||||||
|
|||||||||||
 زميل ليا في الشغل، حصل لي موقف معاه وكان موقف جدلي شوية ووسط ما أنا وهو بنتناقش ومنفعلين أوي لقيته في وسط الكلام بيقولي " أنا مش بكدب " وسكت بعدها ورفض يكمل مناقشة .. 🙄 في مرة تانية مع نفس الشخص دة ولأنه كان ماسك حسابات القسم بتاعي وعارف مرتبات كل الناس.. روحت اتخانق معاه لأن في حد من زمايلي عرف مرتبي وطبعا أكيد هو اللي قال لأن محدش تاني يعرف 🤷 بس بردو ساعتها قالي كلمة واحدة "أنا مش بطلع أسرار الشغل برة ومستحيل تكون خرجت من عندي " .. طبعا أنا عديت الكلمة دي عادي جدا زيها زي اللي قبلها ونسيت الحوار خالص ومركزتش .. 🏃 بس المفاجأة كانت و ع مدار سنين عرفت فيها الشخص دة واشتغلت معاه هو عمره ما كدب وعمره ما طلع سر جوة الشغل أو برة الشغل برة ، و في وسط زمايلنا بقي معروف أوي أنه طالما السر دة مع فلان يبقى انسى تعرفه لو مت قدامه 😅 الشخصية دي استوقفتني كتير أوي في حياتي ، ياااااه ، ياااااه علي الجمال بجد ، آه يمكن بنقول كتير وبنسمع كتير عن الفضائل زي الصدق و الأمانة .. لكن بتفرق كتير أوي لما تشوف حد فعلا أختار وقرر يعيش بيها مهما كان التمن ومهما كانت الصعوبات قدامه ، اد إيه الشخصية دي بتكون مريحة ومباشرة وجديرة بالثقة والتعامل . في سفر الأمثال اصحاح ١١ بيقول : السَّاعِي بِالْوِشَايَةِ يُفْشِي السِّرَّ، وَالأَمِينُ الرُّوحِ يَكْتُمُ الأَمْرَ و جت في الترجمه المشتركة بتقول : السَّاعي بالنَّميمةِ يُفشي السِّرَّ، والأمينُ القلبِ يَكتُمُهُ. يارب ساعدني أنا وأخواتي نسلك بأمانة القلب وكتمان السر ، العالم يحتاج يا الله 🙏 
|
العرض المتطور