|
 |
 |
 |
|
رقم المشاركة : ( 1 )
27 - 07 - 2022, 11:45 AM
|
|||||||||||
|
|||||||||||
 تعريف الإدمان ومفهومه ببساطة.. هو (تكريس الشخص نفسه لفعل او مادة مخدرة لتغيير مزاجه السئ الناتج عن الضغوطات النفسية ومن ثم المشاعر السلبية).. 3 عوامل مهمة بتتحكم في عملية الإدمان: 1. شخصية الفرد 👨 بمعنى إن شخصياتنا أنواع، في نوع شخصية بطبيعة الحال عندها ميول إدمانية بالإضافة لدرجتها عند الشخص نفسه واللي بتختلف من شخص للتاني. 2. طبيعة البيئة 🏠 في بيئات داعمة للإدمان، في حالة ما تكون بيئة غير آمنة نفسيا للشخص، بيتعرض فيها لضغوطات كتير فوق احتماله فبيضطر يهرب منها أو يحاول يسكنها بالإدمان والعكس في بيئات تأثيرها إيجابي بشكل كبير على الشخص وبتوفرله قدر جيد من الدعم والأمان والحب. 3. نوع الإدمان 🧐 الإدمانات نفسها أنواع ودا لأن أي إدمان بيكون في أفكار معينة وراه بتغذيه وبتؤدي ليه ودا متعلق شوية بنوع معاناة الشخص في الحياة وايه نوع الإدمان اللي بيلجأ ليه لتسكين ألمه. طيب وبعد كل الكلام دا عن سيكولوجية الإدمان.. ايه اللي ممكن نستفيده عمليًا؟ ببساطة نفس الأسباب اللي بتؤدي للإدمان.. هي نفس الأسباب اللي الوعي بيها والتعامل معاها بطريقة صحيحة هو الطريق للعلاج منه. 
|
|
العرض الشجري