الان يبتغون وطنا افضل

[walaa farouk]

في عبرانيين ١١ وهو بيتكلم عن أبطال الإيمان بيقول الكلمات دي في عدد ١٦
"ولكن الآنَ يَبتَغونَ وطَنًا أفضَلَ، أيْ سماويًّا.
لذلكَ لا يَستَحي بهِمِ اللهُ أنْ يُدعَى إلهَهُمْ، لأنَّهُ أعَدَّ لهُمْ مدينةً."

وأنا ببص على الكلمات دي أكتشفت حاجتين✌️
• الأولانية أن في إدراك مهم يكون واضح في حياتي:
أن أنا ليَّ وطن تاني!😇
• التانية أني مش أرضي لكن سماوي. مصنوع لكل حاجة سماوية.
مصنوع عشان خاطر السما

الإدراك ده الحقيقة بيفرق كتير في حياتي.
مش بس بيفرق في أبديتي.
لكن بيخليني أعيش حياتي هنا بعيون جديدة ومختلفة 😌
بيعرفني أني فوق الأرضي
فوق كل ضعف
فوق كل هزيمة وأنكسار
فوق كل شر وخطية
فوق كل محاولات عدو الخير أنه يجرجرني ناحية زبالة العالم
أدراك يخليني أعيش عالي! ومرفوع الراس!🙌

صديقي باصليلك أنك تعيش للوطن الأفضل،
تعيش كائن سماوي تعيش مرفوع الراس💜