آيات يمكن استخدامها في مواقف حياتك اليومية بس في سرك عشان محدش يزعل منك

[walaa farouk]

ضحكة اليوم ..

نغير المود شوية ..
آيات يمكن استخدامها في مواقف حياتك اليومية
(و ياريت في سرك علشان ما حدش يزعل منك ) ..



مع شخص ثقيل الظل : "قم احمل سريرك و امشي" !! ،
و لو ما نفعش امشي انت "قوموا ننطلق من ههنا " !!

مع واحد مضايقك و بيسألك ليه بتحبني قوله (في قلبك)
"احبوا اعداءكم" !!

مع واحد مداينك و ما عندكش فلوس تدفع "
عريانا خرجت من بطن امي و عريان أعود الي هناك " !!

مع شريك حياتك اللي منكد عليك "ما يزرعه الإنسان اياه يحصد" و "اَلسُّكْنَى فِي زَاوِيَةِ السَّطْحِ، خَيْرٌ مِنِ امْرَأَةٍ مُخَاصِمَةٍ فِي بَيْتٍ مُشْتَرك !! ..

و انت بتعمل دايت : "يوم تأكل منها موتا تموت " !!

و انت ضغطك عالي: "اَلْمِلْحُ جَيِّدٌ. وَلكِنْ إِذَا صَارَ الْمِلْحُ بِلاَ مُلُوحَةٍ، فَبِمَاذَا تُصْلِحُونَهُ؟ "

و انت عدمان و ما معكش فلوس و جيبك فاضي
" لِتَكُنْ سِيرَتُكُمْ خَالِيَةً مِنْ مَحَبَّةِ المال"

و انت بتجري من واحد بيلاحقك و عاوز يزنقك في خدمة بالعافية
"وَمِنْ وَجْهِكَ أَخْتَفِى وَأَكُونُ تَائِهًا وَهَارِبًا فِي الأَرْضِ " !!

و انت بتدفع فاتورة للاكل غالية في مطعم "٠قَدْ تَذَكَّرْنَا السَّمَكَ الَّذِي كُنَّا نَأْكُلُهُ فِي مِصْرَ مَجَّانًا، وَالْقِثَّاءَ وَالْبَطِّيخَ وَالْكُرَّاثَ وَالْبَصَلَ وَالثُّومَ" !!