يسوع جه لكل الناس

[walaa farouk]

يسوع جه لكل الناس
وحب كل الناس
وانت كمان يسوع بيدعوك لمحبة الكل مش فئة معينة من الناس،
مش اللي شبهك بس ولا اللي بيروحوا الكنيسة بس
ولا الناس اللي من برة شكلها حلو وبتنجذب لمعرفتهم،
لكن تحب الكل والكل دي بتشمل كل انواع الناس،

فكر في الناس افكار محبة، فكر ناحية الناس الغريبة بالنسبة لك اللي صعب تحبهم وتقبلهم وتنجذبلهم فكر فيهم افكار المسيح،
فكر في جروحهم ومشاكلهم وتحدياتهم واحتياجاتهم،
فكر انهم مستحقين للقبول والحب..
بنحتاج ساعات نبص للي ورا افعال الناس عشان ساعتها هنقدر نتعلم نحبهم.

"لاَ تَنْظُرُوا كُلُّ وَاحِدٍ إِلَى مَا هُوَ لِنَفْسِهِ،
بَلْ كُلُّ وَاحِدٍ إِلَى مَا هُوَ لآخَرِينَ أَيْضًا.
فَلْيَكُنْ فِيكُمْ هذَا الْفِكْرُ الَّذِي فِي الْمَسِيحِ يَسُوعَ أَيْضًا:" (في 2: 5).