الحقيقة ان بعضهن أغبياء و بعضهن اذكياء استمتعن بأنوثتهن!!

[walaa farouk]

الحقيقة إن الست المتدلعة اللي مبتعرفش تعمل حاجة بتدلع بزيادة
و اللي بتشيل و فرحانة إنها جدعة بتشيل زيادة... و أكتر حد هيحس ان ايه الصعب اللي بتعمليه هم أقرب الناس لها اللي شايفين صعوبة الموقف بس اتعودوا انها ست بتسد في كل حاجة و مبتحبش تقول لحد عايزة حاجة او اعمل حاجة

الحقيقة ان الست ال ايدها بتتعور من عمايل السلطة فتعيط بتلاقي السلطة اتعملتلها و الاكل كله و ال ايدها بتتفتح و هي بتقطع اللحمة تقوم لفاها و مكملة بيتطلب منها تعمل لحمة و حلويات بايدها دي

الحقيقة إن البنت اللي بتولد فتقعد تتمرض شهر في السرير و تتنفس بيتحس بألمها و ولادتها جدا ولو كانت أبسط من غيرها
و اللي بتقوم من اول يوم تطبخ و تخلص الي وراها و تتعامل مع مسئولياتها بيتحس إنها لو اتألمت هي بتتألم ليه دا الموضوع بسيط

الحقيقة إن ال مامتها أو أختها بتشيل معاها ولو ساعة توفرهالها عشان تنام فيها و تقول اصلها يا قلبي منامتش من الطفل طول الوقت هتلاقي ال يحِن و يحس بيها و يطبطب و يساعد

و ال مبتلاقيش حد يشيل او تعمل سبع برومبة و توفر ع حد ان يساعدها هتفضل في موضع دي مش تعبانة اهو ايه المشكلة

الحقيقة ان اللي بيتذكرله تقصيره هو اللي عامل غالب اللي عليه و من كتر العمايل بتقع منه حاجات
و اللي بيتشكر هو اللي سايب كل حاجة و بيعمل البسيط و بيقول ان دي مقدرته

الحقيقة إن بعضهن أغبياء و بعضهن اذكياء استمتعن بأنوثتهن!!

[Mary Naeem]

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى