|
 |
 |
 |
ربنا باعتلك رسالة ليك أنت
الرسالة دى تحطها فى قلبك طول سنة 2026
يالا اختار رسالتك من الهدايا الموجودة وشوف ربنا هايقولك ايه
|
|||||||
|
|
أدوات الموضوع | انواع عرض الموضوع |
|
رقم المشاركة : ( 1 )
29 - 04 - 2020, 08:47 AM
|
|||||||||||
|
|||||||||||
 يرضيك!! -مالِك!؟ =كُل حته فيا بتأن =مافيش فيا مكان سليم!! -الأمر صعب! =أوي.. مش قادرة أتحمل.. كُل حته فيا بتصرخ =أنا مزعلاك! =لو أنا مزعلاك قولي.. هصالحك =دا عقاب منك أكيد! =بتعاقبني عشان ماكُنتش بسمع كلامك!! =أنا فعلًا ماكُنتش بسمع كلامك.. بس لسه بحبك! - و أنا مازلت بحبِك =آمال اللي بيحصل دا ليه! -نسيتيني -كُنتي نسياني... أفتكرتي نفسك كبرتي و تعرفي تعملي كُل حاجة لوحدك .. كُنتى فاهمه إنك هتعرفي تستغني عني! =بس دا مش حقيقي.. أنا ماقدرش استغني عنك! -قدرتي و بعدتى و عزلتي نفسك عني.. و كأني غريب و مش من حقي! =ضعف بشري مانت دايمًا بتسامحني! اشمعنا المرادي! - أوعي تفهمي إني بـ أعاقبك فعلًا ع بُعدك عني!!! = أيوه تعبي و ألمي دا نتيجة غضبك مني!! -تعبك دلوقت نتيجة بُعدك عني! =فهمني - أنا و أنتي زى أم و ابنها.. الابن متعود يرجع من طريق المدرسة للـ بيت مع مامتُه.. و لما كبر شوية... أتمرد! حس إنه مابقاش محتاج ليها! فكر إنه كبر و يقدر يرجع لـ بيته و يمشي طريقه لوحده.. فـ أتهرب منها و استخبي و لما راحت تدور عليه مالقتهوش أفتكرته تاه!! لكنه كان مخطط إنه هيمشي سكتُه لوحده.. هو يقدر!! لكنه مهما كبر مش هيكبر عليها و عشان ماكنش فاهم... ضل الطريق و تاه! قابل فـ طريقُه كُل حاجة ممكن توجعُه و تجرحُه... اللي حصلُه كان نتيجة إنه تاه مش عقاب منها!! =و بعدين!!! - وقتها أحتاج لها! فكر فيها لما حس إنه صغير و وحيد و قليل التصرف من غيرها!! فكر فيها و نداها.. فضل ينادي و ينادي لحد ما لاقاها قدامه =رجعتله! - و خدته فـ حضنها و طيبت كُل جروحُه =سامحتُه ع إنه سابها و أتمرد عليها!! - مهما غلط هيفضل ابنها و مايهونش عليها = و أنا أتمردت عليك و سيبت طريقك!؟ - دورت عليكي كتير =توهت منك و بـ مزاجي - زعلت إنك قصدتي تبعدي عني = كُنت فاكرة إني أقدر أعمل أي حاجة من غيرك - فـ بعدتي و شوفتي طريق مُخالف لـ طريق سكتي = فـ أتمرمطت! أتعورت! بقيت أعيط من كُل حته فـ جسمي! =مش قادرة أدوايني! مش قادرة أكفيني! =أنا بقيت محتاجالك و ناديت و بنادي و هنادي عليك لحد ما ترجعلي و تلاقيني - و أنا سمعت.. سمعت و جاي.. الوجع مهما زاد فـ مش هيطول... و هنرجع زي الأول.. أنا مسامح عشان مايهونش عليا وجعك = و أنا أشتقت لـ طريق سكتُه أمشيها معاك - جاي و هكمل الطريق و أنا شايلك ع كتفي =هخف من جرحي! - هداويكي بـ كفي 
|
العرض الشجري