|
 |
 |
 |
|
رقم المشاركة : ( 1 )
09 - 08 - 2012, 12:36 AM
|
|||||||||||
|
|||||||||||
|
دة كان عنوان كليب للطيفة مطلع التسعينيات على ما أتذكر .. الأغنية بتقول : أرجوك أوعى تغير ...أنا حواليا كتير ..!!!! وحضرتك ماتفهمش أية اللى جاب الكتير دول من حواليها ؟!!! ماعلينا ... الكليب متصور فى " ديسكو " ..ولطيفة بترقص وسط " البيست " وحوالين منها حوالى أربعتاشر خمستاشر " شاب " ومش مهم اية اللى جاب دول كلهم يرقصوا حوالين منها للتعبير عن مكنون الأغنية ... الأهم منه ...الشاب اللى هى بتغنى له عيل صايع قاعد على البار وقدام منه كاس ويسكى "بلاك ليبل " بيقربع فيه ويبص لها ويبتسم ....!!!! بتبتسم على أية يا وِلد الهبلة ؟ .. البت حبيبتك بتترقص وحوالين منها " شباب المنطقة " كلهم ... يعنى " حوالين " منها تلاتين كف ودراع ..ومية وخمسين صباع وأنت بتبتسم ؟؟ ... !!! فرحان بشبابك قوى وبالشباب اللى ( حوالين ) منها ؟؟ وأنتى كمان ..بتغنى لواحد خمورجى ؟؟؟ أرجوك أوعى تغير ؟؟ يغير من أية ؟؟؟ هو فايق لك ؟؟ .. دة معمى ياماما من اللى بيطفحه ... يعنى أيكش تكون الكرة الأرضية كلها حوالين منك ..ماتولعى يعنى .. ماعلينا .. المقدمة دى عشان أحكى لكوا على " صاحبى " الهندى مستر ( أهاه هَرَش في ) أرجكوكم حاولوا تحلوا معايا مشكلة " أهاه " الهندى   
|
|
09 - 08 - 2012, 12:37 AM
|
رقم المشاركة : ( 2 ) | ||||
|
..::| مشرفة |::..
|
رد: أرجوك أوعى تغير ...
" أهاه " بيشتكى لى من حبيبته " زيلى جَرَب ياه " .. "أهاه هَرَش في " أتعرف على " زيلى جَرَب ياه " على محطة مترو " المرج " بتاعة دلهى .. نظرة فى أبتسامة فى تصبيحة فى تسبيلة فى كلمة .. القصد ..قطع لها التذكرة من جيبه متله متل أى "هندى" أصيل ومُعتبر ..!! وأعتاد " أهاه هَرَش في " على مدار عام تقريباً أن يقابل " زيلى جَرَب ياه " يقطع لها التذكرة من أول "مرج دلهى " لغاية ما ينزلوا مع بعض فى محطة " دلهى بالم فارم " .. ( عزبة النخل يعنى بس فى دلهى ) مشكلة صاحبى الهندى بقى تتلخص فى أنه أكتشف كمية صداقات ع الفيس بوك " الهندى " .. كمية "البشر " اللى حوالين " زيلى جَرَب ياه " لا تُعد ولا تُحصى ... ولما سألها سؤال " هندى " مُعتاد : - مين دول يا " جرب " ؟ قالت له = كلهم كلهم زى أخواتى ومتربيين معايا يا "هرش " - بس يا "جرب " أنا ملاحظ أن الشعب الهندى كله متربى معاكى ؟ - بتغير يا " هَرَش " ؟ = هغير من مين والا من مين ...!!! - قولى تحديداً مين فيهم اللى مضايقك ياحبيبى ؟ = مثلا الواد " كالاهان " دة اللى ماشى وراكى فى كل حتة !! - لالالالا ..ألا " كلاهان " ياحبيبى بقى...دة متربى معايا ومش دة اللى تغير منه = طيب والشاب الهندى الغتييت اللى أسمة " أومار فرست " ؟ - "فرست " ..دة عيل لسة يا " هَرَش " هتغير من عيل ؟ = بلاش " أومار " ..تنكرى علاقتك بـ " سير لشيشي " ؟ - ياحبيى " الشيشى " راضع عليا ..يعنى آخر آخر واحد تغير منه = أنتى بتستهبلى يا " جَرَب " ؟ - لية بس ياحبيبى ؟ هو أحنا عندنا فى " الهند " حاجة أسمها أخ فى الرضاعة ؟ يارجالة أية رأيكوا فى مشكلة " صاحبى " الهندى مستر ( أهاه هَرَش ) ؟؟ عنده حق أنه يغير على صاحبته " زيلى جَرَب ياه " ؟؟ وألا يسمع كلام " لطيفة " أرجوك أوعى تغير أنا حواليا كتير ؟؟ والا يعديها إكمنه " هندى " ؟؟ |
||||
|
|
|
09 - 08 - 2012, 06:05 AM
|
رقم المشاركة : ( 5 ) | ||||
|
..::| VIP |::..
|
رد: أرجوك أوعى تغير ...
شكراً على مشاركتك ربنا يبارك حياتك |
||||
|
|
|
09 - 08 - 2012, 08:27 AM
|
رقم المشاركة : ( 6 ) | ||||
|
† Admin Woman †
|
رد: أرجوك أوعى تغير ...
شكرا على المشاركة
ربنا يفرح قلبك |
||||
|
|
|
09 - 08 - 2012, 09:39 AM
|
رقم المشاركة : ( 7 ) | ||||
|
..::| مشرفة |::..
|
رد: أرجوك أوعى تغير ...
ميرسى على مشاركتكم الجميله
|
||||
|
|
 |
|
العرض العادي
