|
 |
 |
 |
|
رقم المشاركة : ( 1 )
26 - 08 - 2019, 06:49 AM
|
|||||||||||
|
|||||||||||
 فرقع لوز .. نوع من الخنافس بينط في الهوا مع صوت طقطقة عالي ، للدفاع عن نفسها من الأعداء .. و استخدم هذا التشبيه العبقري علشان يوصف الشخص اللي طول ما هو موجود في مكان يقعد "يتنطط" و يعمل أصوات للفت النظر لوجوده.. اسمه استاذ "خالف تعرف" أو "انا باعارض اذا انا موجود" .. تلاقي فرقع لوز ده في كل حتة حواليك، في الشارع، و الشغل ، و العمارة ، و حتي الخدمة .. هو غالبا ما لوش دور في الدنيا ، فعاوز يبان ، أو شايف نفسه قليل قوي فيحاول يخترع له دور و يبقي تحت النور .. هو الشخص اللي بيتظاهر بالشعارات النبيلة، و بيدافع عن الحق و المستحق اللي طبعا "حق" من وجهة نظره بس !! تلاقيه عاوز يمشي الكون علي مزاجه ، و يتحشر في اللي ليه و اللي مالوش.. شايف كل حاجة غلط، يعارض من أجل المعارضة. . ما يقدرش يقعد ساكت، لازم يقول رأي مخالف للكل ، و عامل نفسه حامي الحمي و ابو العريف .. فرقع لوز عاوز يبقي الأول، و لو لقي حد الأول يهاجمه و يكٌسر مقاديفه.. حراك و فراك و هراك ، فتاي و مشاغب، و يلم حواليه شلة المعارضين زيه و يعمل زعيم ليهم ، و لو كل الناس فرحانة لازم ينكد عليهم .. فرقع لوز شايف ان بيفهم في كل حاجة و ان عنده حل لكل حاجة .. فرقع لوز مرات تسيبه يتنطط شوية و بلاش تسكه من الأول علشان لما بيعمل الشويتين بتوعه بيهدا خالص ، لأنه اغلب من الغلب !! و مرات كتير ما تديلوش اي أهمية و لا تجادله و لا حتي ترد عليه ، لأن صوت "طقطقته " بتزيد لما تدي له أهمية.. لكن كتير قوي قوي بيحتاج واحد قوي يوقفه عند حده و يعرفه حجمه ، طبعا بكوكتيل من الحكمة و الحب و الحزم و الحسم .. و فرقع لوز ده لما بيخاف يتكشف أو بيلاقي اللي أقوي منه و اللي ما بيخافش من "فرقعته" ، بيسكت خالص و يقطع النفس ، أو بيدور علي حتة تانية و ناس تانيين ما يعرفوش "ديته" يتنطط عليهم !! 
|
العرض الشجري