كامل الوزير دا شغلي مش شغل حد تاني ومش عايز حد يضيع وقتي
قال الفريق كامل الوزير وزير النقل والمواصلات، إنه يتمنى من وسائل الإعلام المختلفة أن "تساعدنا فى عملنا"، لافتا إلى أنه ينتظر أى ملاحظات بناءة تثار عبر وسائل الإعلام والصحف عن القطارات والجرارات والمحطات، لكي نبحثها لصالح الناس. وتابع وزير النقل لـ"التحرير": "عايزكم تساعدونا فى عملنا، وأنا اللى فى ضهرى ربنا وعملي، وانا ما باخافش من حد إلا من ربنا، وماباحبش حد يدخل فى شغلي"، مؤكدا أنه يتمنى من الصحفى "يطلع ملاحظات أو موضوعات خطأ لكى نعمل على حلها".
وفى رده على سؤال "التحرير" عن قراره بوقف صرف حوافز وبدلات رئيس هيئة السكك الحديدية ونوابه التسعة، منذ توليه مسئولية الوزارة، أفاد "الوزير" بقوله: "مابتكلمش فى فلوس وحوافز الحوافز اللى اتأخرت دا شغلى مش شغل حد تانى، ومش عايز حد يضيع وقتى، واللى عايز يساعدنى يساعدني، وماتتكلموش فى الفلوس، والشعب المصرى مشكلته كده يتكلموا فى الفلوس يا إخوانا اشتغلم الأول وشوفوا شغلكم".
وأردف: "كلمني فى الشغل مش فى الفلوس والحوافز خش فى الشغل خش فى القطارات والجرارات والمحطات أو مشكلة عندنا نبحثها لصالح الناس".
كان "التحرير" قد نشر قرار وزير النقل بوقف صرف حوافز وبدلات رئيس هيئة السكك الحديدية المهندس أشرف رسلان ونوابه التسعة، منذ توليه مسئولية وزارة النقل.
التحرير
02 - 05 - 2019, 11:26 AM
قد تكون مهتم بالمواضيع التالية ايضاً
العرض الشجري