|
 |
 |
 |
|
رقم المشاركة : ( 1 )
01 - 02 - 2019, 08:46 PM
|
|||||||||||
|
|||||||||||
|
أنجذاب الرجالة للست الغلط أستأذن كل الشباب تقرأ البوست دا.. أنا عارفة إنه ف طبيعة بشرية ربنا خلقها جوانا كلنا وهي "إنجذاب الذكر للأنثى والعكس" فطبيعي لما حضرتك هتشوف بنت حلوة، هتعجب بيها واحتمال 80% هتتخيلها ف علاقة، دا حتى لو كنت ف الأساس مرتبط أو متجوز خلينا متفقين إن دا مالوش علاقة.. ومهم جدا تواجه نفسك بدا وبلاش دور أنا إمرأة واحدة تكفيني، مش هنصدقكوا لو بروزتوها ع جبهتكوا ومشيتوا بيها.. خليني أقولك قبل ما تعترض ع كلامي وتلويلي بوزك أنا أقصد إيه ب "البنت الحلوة".. ممكن تكون حلوة الملامح، الجسم، شعرها طويل وإسود أو قصير وكيرلي عادي ع حسب ميولك، ممكن نبرة صوتها المزيكا، أسلوب معاملتها معاك، نظرة عين ما اتبصتلكش قبل كدا اه والله تخيل! هتنجذبلها وحياة أمي، مش عشان إنت هوائي وعنيك فارغة "ودا احتمال بردو" ؛d، خلينا متفقين إن كل واحد فيكوا خصوصا ف ظروف البلد الصعبة دي وغلاء الأسعار والإلتزامات الهولامية والضغوط النفسية والأهداف اللي تحقيقها بقا مش مفهوم، محتاج حاجة تخرجك بره الروتين وحياتك اللي حفظت كل تفصيلة فيها وبقيت بتتعامل معاها زي الفيشة تتحط الصبح تشتغل طول اليوم وتتشال وتتطفي قبل ما تنام "خط سير معروف".. شايفين بقا كل اللي قلته دا مش دا اللي كنت عاوزة أقوله بردو ؛d.. =========== الظاهرة الغريبة اللي انتشرت كتير و ع مدار كام سنة فاتوا و "مش بحدد شخص بعينه"، هو "إنجذاب الرجالة للست الغلط" يعني إيه؟ يعني حضرتك عاوز تعيش حياة ع جنب تخرّج فيها طاقتك المكبوتة ومشاعرك اللي مراتك أو خطيبتك مش مكفياك فيها يبقا تختار "الست الصح" الست اللي ما عندهاش مشاكل تتعامل وتطور علاقتها مع واحد ف ظروفك، ست بنسميها ف مجتمعنا "شمال"، ست مش مهتمة بكونك متجوز أو عندك أطفال هتقصر معاهم بسببها.. البنات اللي بتقول لأ، واللي طريقة كلامها وتصرفاتها بتقول لأ لكل واحد بتقابله زيك، "احترمها" "احترمها"، "احترمها"، البنات دي عاوزة تعيش ف مجتمع سوِ، وما عندهاش مشكلة تعيش معاك ف خندق واحد حتى وإنت عينك منها بس ما تقولهاش ما تجرحهاش بكلامك وبنظراتك، لأن بكل بساطة هي ما عندهاش مخرج تاني من الكوكب العقيم دا، وهي مش عارفة تلاقيها منك ولا من ظروفها اللي ممكن تكون أصعب منك إنت شخصيا، بنات مش فاضية لتحقيق نزواتك وعندها أهداف أهم منك بكتير، بنات اه عاوزة تتجوز وترتبط وتحب بس مش إنت، فاهمني؟ سيبو البنات "دي" تعيش من غير كلاكيع، وإنتو ليكوا ناسكوا والله وموجودين كتير فما تدوروش ع العلب المقفولة وتحاولوا تفتحوها، هتلاقوا المفتوح كتير. ========= وعشان التعليقات، دا مش تعميم ف رجالة قليلة ما بتعملش دا وبتقدر تحافظ ع بيتها وعندها طرق تانية غير "الست" للتنفيس عن النفس، وف بردو اللي بيعملوا دا وبيقدروا يحافظوا ع بيتهم، وزي ما ف بنات ف العادي ما عندهاش مشكلة تعمل دا مع الرجالة دي، ف بنات عندها مشكلة ف التعامل معاهم وف النهاية بتسمح بتطور العلاقة بردو عادي. 
|
|
العرض الشجري