زوادة اليوم : الصّداقة

[souad jaalouk]

زوادة اليوم: الصداقه
بيخبّرو عن شبّ كان عندو صديق وأصحاب كتار. بيمرض، وبيقلّو الطبيب بعد 10 دقايق بالكتير رح بتموت. بيقرّر يكتب رسالة عبر تلفونو الذكي ويبعتها لأعزّ صاحب عندو ورسالة تانية لصديقو الوحيد، بالرسالة بيقول: «أنا رايح رحلة بعد عشر دقايق، بتروح معي»؟ بيجاوب الصاحب: «وين رايح؟ أنا مشغول كتير مش قادر روح معك روح وحدك»، بتوصلو رسالة من صديقو مكتوب فيها: «لوين رايح بلايي، انطرني أنا رايح معك، فرِح كتير الشبّ غمّض عيونو وتوقّف قلبو عن النبض».
الزوّادة بتقلّي وبتقلّك
ما في أكتر من أصحابك، وما في أقلّ من أصدقاءك الصادقين يلّي ما عندُن لا مصلحة ولا غاية من علاقتُن معك، حافظ علَيُن هودي عملة نادرة للأيام الصعبة، والله معك.