زوادة اليوم: رجعت حليمة لعادتها القديمة حليمة هيّي زوجة حاتم الطائي، الرِجّال يلّي اشتهر بكرمو، وهيّي بالعكس، اشتهرت ببِخلها. حاول كتير إنّو يعلّمها الكرم وكان كل مرّة يفشل. بيوم من الإيام بيقلّها: «كانو جدودنا يقولو كل ما بتعطي المحتاج قيمة ملعقة سمِن، الله بيطوّل بعمرك». انبسطت وصارت تعطي وتزيد، وتعوّدت إيدها على السخاء، وطال عمرها، لَبيوم من الإيام بيموت إبنها، بتحزن كتير وبتبطّل تعطي، على أمل إنّو الله يقصّر بعمرها، ومن وقتها صارو الناس يقولو رجعت حليمة لعادتها القديمة. الزوّادة بتقلّي وبتقلّك إذا عطِيت عطي من كل قلبك وما تندم على عطاءك والربّ هوّي يلّي بيكافيك على كل عطاياك وخدماتك، والله معك.
25 - 10 - 2018, 02:49 AM
العرض الشجري