زوادة اليوم : الحشرة الزغيرة

[souad jaalouk]

زوادة اليوم: الحشرة الزغيرة

بيخبرو عن تران وقف ع المحطّة ت ينزلو الركاب، بسّ بوابو بقيت مسكّرة. جرّبو الركّاب مرّة بعد مرّة يفتحو البواب بس من دون نتيجة، وبقيو علقانين ناطرين الفرج.
وبعد كشف دقيق ع التران، عرفو السبب، المشكلة كانت بسيطة كتير، وهيّي إنّو حشرة طولها 3 مِلّيمترات وقعت بدايرة التحكّم بالتران!!
الزوّادة بتقلّي وبتقلّك:
«شركتنا مع الرب معرّضة للفشل، لأسباب بتبيّن بالظاهر إنها تافهة، متل كلمة جارحة، أو إلتواء زغير ضدّ الحق والأمانة والطهارة... هودي كِلّن متل حشرات زغيرة قادرة تسكّر بواب الشركة مع مخلّصنا الرب يسوع المسيح».