|
 |
 |
 |
|
رقم المشاركة : ( 1 )
08 - 09 - 2017, 04:30 PM
|
|||||||||||
|
|||||||||||
|
النهاردة كنت بجدد رخصة القيادة...
ببص على صورتي...لقتني كبرت...أي والله كبرت... شعري بقى ضارب أبيض...نضرة وإشراقة الشباب بدأت تُغرب... بس دمعتي ما نزلتش من المفاجأة ولا حاجة... ابتسمت... حسيت إني ماشي في طريق وقربت لنقطة الوداع... يمكن ثانية، يمكن ساعة، يمكن سنة، يمكن عشرة أو عشرين سنة... لكن بنقرب... طريق كان شكله طويل... لكن دلوقتي شايفه ولا كأنه ساعة... دنيا... أرواح بتسلم أرواح... وخبرات يتبني عليها خبرات... أخيار وأشرار... قلوب طيبة...وأراوح تعيسة... موت وحياة... ثواب وعقاب... جنة ونار... الدنيا أقصر من إنك تضيعها في الحزن أو الندم على حاجة... عيش كل لحظة وأحمد ربك... عيش وافرح وانجز ... انجح وافشل وحاول... عافر...وابتسم وابكي... هي دنيا... حلوة ومُرة... - طب ليه مش زعلان على هروب العمر والأيام؟ من يومين كنت بحط رأسي على المخدة... سمعتني بدعي ربنا...قبل ما أنام... فقولت الحمد لله...ربنا يديمها نعمة... إني فاكر إني هقابل رب كريم... - مش يمكن نكون وحشين؟ وربنا غضبان علينا؟ ممكن... لكن ربنا كريم وعظيم ورحيم... أحنا ولا شيء في الكون ده كله... يا رب... طمعانيين في كرمك ورحمتك... خرجنا من الدنيا دي على خير... بارك لنا في عمرنا واغفر لنا ما سبق... بارك لنا في ذريتنا... وخلي حياتنا مشروع يكمل...ويستمر إلى منتهى مشيئتك... الحمد لله... 
|
|
العرض الشجري