انا بحمد ربنا اني معنديش ولد

[Rena Jesus]

انا بحمد ربنا وبشكر فضله اني معنديش ولد
اصلها مسئوليه كبيره انك تربي رااااااااجل
امانه بجد صعبه اني اربي بني ادم متوازن
محترم واثق في نفسه حنين وطيب وبيحترم الستات ومش بيشفهم اقل منه
(حاجه صعبه في وسط المجتمع المتخلف الي احنا من دون الكوكب كله ربنا ابتلانا بالعيشه فيه )

اني اقنعه ان كل الموروثات الاجتماعيه الي في حياتنا غلط وان البنت زي الولد ان مكنتش احسن
عمري ما هاقول لبنتي اكوي قميص اخوكي
او هاقوله صحي اختك تحضرلك العشا
مش عارفه هعرف اربيه كويس واخلي مراته تدعيلي عشان خليته زوج حنين وطيب ومحترم وبيحبها
ولا هتدعي عليا عشان خليته اناني ومش معتمد علي نفسه وعامل فيها سي السيد زي اغلب الرجاله الي بنشوفهم

الحمد لله اني مجبتش ولد عشان مكنتش هستحمل
اشوفه بيهين مراته او بيزعق لاخته او مضايق انه خلف بنت
الحمد لله علي بناتي الي ان شاء الله هربيهمً انهم مش اقل من الرجاله في اي حاجه

الي عندها ولد يا ريت تربيه كويس حبيه دلعيه اديله حنان بس زي اخواته البنات بالظبط وعلميه يحبهم ويخاف عليهم ويبقي سرهم وهما سره
يعرف ان منتهي الرجوله انه يحتوي اخته ومن بعدها مراته ويحسسها انه ممكن يغنيها عن العالم كله

يا جماعه ربوا عيالكوا
كفايه بقي ناس مشوهه بتربي ناس معقده فتخلف ناس تتطلع عقدها علي بنات الناس