| |
|
|
|
|
|
||||||
|
|
أدوات الموضوع | انواع عرض الموضوع |
|
#1
17 - 07 - 2017, 11:19 PM
|
||||
|
||||
 فجأة لقيتها بتعيط وبتقولي صوباعي واجعني عايزه استيكر الأستيكر ده تقصد بيه البلاستر مسكت صوباعها وقولتلها فين ده ؟ مفيش حاجه اهو بطلي دلع كان فعلا سليم ومفهوش اي حاجه وبعد شوية بدأت تعيط تاني وتقولي صوباعي بيوجعني قولتلها انا فعلا مش شايف حاجه وصوباعك ياحبيبتي سليم وحلو اهو بطلي دلع " انا عارف انها بتدلع علشان تجيب اللي عايزاه " يومين بالظبط وصوباعها ورم فعلا وكان معبي " صديد " من جنب الضفر عرفت ساعتها انها اكلت بسنانها جزء من ضوافرها وده اللي عمل كده كلمت الدكتور قالي هاتهالي وتعالى وبالفعل وديتهاله ، فقالي مش هايصرف غير لما يتفتح ومسكناها وبدأ يفتحه بمشرط ، ودوسنا عليه جامد علشان يطلع اللي فيه والبنت مش بس كانت بتصرخ ، دي راحت في العياط ومامتها عيطت علي عياطها وهنا ادركت حقيقه مهمة ن مش لازم اللي قدامك يكون بيبكي علشان تحس بوجعه مش لازم يكون بيموت علشان تطبطب عليه فيه اوجاع مابتتشافش ، بتتحس بس لكن لما يكون اللي قدامك مابيحسش ، بتبدأ تعبر ب " آه " خارجه بأعلى صوت خارجه من قلبك وداخله في قلب الله القوي الرحوم ادركت ان مش كل اللي بيتنطط بيكون فرحان ، فيه ناس بتتنطط من كتر الوجع ، من كتر الظلم ، من كتر الذل اوقات كتير جدا بنسكن روحنا بروحنا بنضحك علشان مانلفتش النظر بس هل مابقيناش نحس ببعض علشان كل واحد فيه اللي مكفيه ؟ ولا عشان وصلنا لدرجة عالية من اللا رحمة خلتنا ندوس على بعض !! مايكل سامي 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| كلي اوجاع يا الله | walaa farouk | قسم المواهب المسيحية | 0 | 23 - 07 - 2022 10:24 AM |
| اوجاع في يد الله | walaa farouk | موسوعة توبيكات مميزة | 0 | 12 - 02 - 2021 05:50 AM |
| للغربة اوجاع | Mary Naeem | الصور العامة والمتنوعة | 2 | 14 - 04 - 2018 11:48 AM |
| يا عدرا اشف اوجاع | Mary Naeem | صور السيدة العذراء مريم | 2 | 07 - 02 - 2018 12:14 PM |
| اوجاع ليس لها شفاء | walaa farouk | موسوعة توبيكات مميزة | 6 | 05 - 08 - 2015 09:41 AM |
العرض الشجري