|
 |
 |
 |
|
رقم المشاركة : ( 1 )
18 - 05 - 2017, 10:08 AM
|
|||||||||||
|
|||||||||||
 - جربت ترسم ع الشجر .. تسهر ليلاتى مع القمر تكتب لحبيبك أشعار .. شايفه قدامك ليل ونهار ..!! دى أنا جربتها .. أحاسيس كنت فيها وعشتها والنتيجه هاقولك فعلها .. بس تعالى نكمل اللى بعدها - جربت تبكى وتتألم .. مع أقرب ماليك تتكلم والنتيجه تضحك على نفسك .. عشان فى الأخر طلع مش عارفك ..!! دى أنا جربتها .. أحاسيس كنت فيها وعشتها والنتيجه هاقولك فعلها .. بس تعالى نكمل اللى بعدها - جربت تبقى موجود .. تعشق لحد ماتدوب الأسم عايش وبتموت .. أله بتتحرك صوره وصوت ..!! - جربت ضيقه القلوب عليك .. ولا فى قلب يحس بيك كل اللى يشوفك يقربلك .. عامل بيخدمك ويتعب فيك ..!! - جربت إيديك تبقى ممدوده .. بحب ومشاعر غير محدوده وإيدين تانى ليك تتمد .. بس للآمال والاحلام بتهد..!! - جربت تحب وتتخان .. وتاخد جرح وكمان احزان تضحى وتطلع غلطان .. كل عمرك كأنه ماكان ..!! - جربت تسمع كلام الحب .. تعيش مع قلب بيعشقك بجد قلب ياما قالك بحب .. ويجى الوقت ويقولك كرهت ..!! - جربت تتأسف للناس .. للأماكن للجماد للاحساس تتطعن فى كل جسمك .. وشايف الرحمه بتنداس ..!! - جربت الطرق المسدوده .. وعنادك فى الدنيا المغلوطة وكلك اصرار وتحدى .. على حاجات مهياش موجوده ..!! - جربت أحساسك بالقيود .. يبقى بينك وبين نفسك سدود جبال بتقولك مستحيل .. قدامك وهم بس بعد ألف ميل ..!! - جربت لما السهل يصعب .. لما النجاح يطرحلك فشل لما كل الناس بتوعد .. والعمل يبقى خيبه أمل ..!! - جربت تبقى فى صعاب .. تحجب عن عينك السما تيجى تكلم رب العباد .. تلاقى حتى دى مش ممكنه ..!! - جربت الضعف وقله الإيمان .. جربت الأحساس بأنك جبان مخلص وأمين مع كل الناس .. لكن لالهك مش عايز تبان ..!! - جربت تكتب متلقاش كلمات .. تلاقى آه وراها آهاااااات آه بتصرخ خانقها السكات .. أختصار لكل اللى جاى واللى فات دى تجارب انا جربتها .. احاسيس كنت فيها وعشتها والنتيجه هاقولك فعلها .. النتيجه بيتهيألى فهمتها 1- اوعى تشكى وتقول ألمك .. اوعى تفكر ان حد جمبك عايز ايه من اللى حواليك .. يقعد جمبك بكلامه يواسيك تبقى أنت فعلاً غلطان .. ووصلت لمرحله مابعد الجنان لما تستنى أستحسان .. او تعزيه من أى انسان 2- دى دنيا وبامانه متسواش .. هاتشتريها هاتبعيك ببلاش هاتبنى آمالك عليها .. يبقى أستحمل اللى يجرالك فيها صدقنى لا فارقه ضحك ولا دموع .. لا فارقه حب ولا فارقه وجوع كله محصل بعضه .. مهما هتاخد برده هاتجوع ........................ ياربى أسف وهاصلح غلطتى مانا قبل ما اخونك خنت ضميرى ونيتى نفسى عزيزه عليك وانت عارف مقدارها أعمل اللى يرضيك رمم وكمل نقصانها عمـــاد حسنى 
|
العرض الشجري