تدريب عشان نميز صوت ربنا

[walaa farouk]

من فتره سمعت من واحد من الوعاظ تدريب روحي كان بيقول فيه :

أجيب زي note صغيره وأكتب فيها كل تجربة ناجحة مع ربنا، وأشكره على كل موقف صغير حصل معايا، حتى لو في يوم زحمة نزلت ولاقيت مكان أقعد فيه في المواصلات، اشكر ربنا عليه، وتعالى ف أخر السنه اقرا الحاجات دي 😊
المفاجأة اللي لاقيتها أن ربنا فعلاً بيسبب الأسباب، يعني أنا شكرته على انه ساعدني وخلاني اعمل خير النهارده، بعدها بكام صفحه لاقيتني بشكره على حاجه حلوه عملهالي وكأنه بيردهالي.. 😍😍

ناس كتير بتقول انها مش عارفه تميز صوت ربنا، متهيألي لو جربنا نعمل التدريب ده هنعرف نميزه والاسئله اللي جوانا ناحيته هتقل وواحده وواحده ممكن ماتبقاش موجوده! لأننا ببساطه لو شكرنا على الضيقه بتاعه النهارده هنلاقي الهدف منها وحلها في الصفحه اللي بعدها وهنفهم حكمة ربنا في حياتنا..