نعمة الاقلمة

[walaa farouk]

عاوز اقولك على نعمة من نعم ربنا علينا. كتير من الناس مش بياخدوا بالهم منها. لانها نعمة خفية مش ظاهره للجميع. لكنها نعمة عظيييييمة.
نعمة ⬅ { الأقلمة }

الإنسان في حياته بيمر بظروف اجتماعيه ونفسية واقتصادية مختلفة.
حياته بتتغير من سعادة لحزن. ومن صحة لمرض. ومن ألفه ومحبة لوحده. ومن غني لفقر. ومن مكانة اجتماعية مرموقه لمكانة اجتماعيه متدنية.

ربنا جعل الإنسان قابل للأقلمة بصورة عجيبة مع الاوضاع المتغيره.
بمعني ان الانسان بعد ما يبقي فقير. بيقدر ( في أغلب الأحيان ) يتاقلم على الوضع الجديد ( مع قليل من الألم ). وده ألم مفيد لانه بيساعد في عملية التاقلم على الظروف الجديده. عشان الانسان يقدر يكمل حياته.

يعني الإنسان اللي عايش في ارقي أحياء اوروبا لو اضطرته الظروف انه يعيش في الصحراء مع البدو. هايتعب جامد لكنه في الاخر. هايقدر يعيش.
والنعمة دي لو تفكرت فيها كويس.
هاتخليك تعيش سعيد ومرتاح لانك عارف ان لو ظروفك اتغيرت. هاتقدر تتأقلم وتعيش والحياة هاتستمر. وده بيقلل خوفك من المستقبل.

⬅ ماتخافش من المستقبل. صدقني هاتقدر تتأقلم 😊
⬅ الألم في حد ذاته مفيد. عشان بيساعدك على سرعة التأقلم 😊
⬅ فلله الحمد والفضل والمنة 😊

سؤال واضح ومن غير ( ألغاز ) . ليه انا اختارت الصورة دي؟

لان الرب قادر جدا يتاقلم مع البيئة إللى هو فيها