اختاروا ناس عدله وصاحبوها 😃

[walaa farouk]

• مشهد رقم ١
- وحشتيني!
" بتعمل Seen "
- انتي يابنتي بكلمك
"بتعمل seen وتسكت "
" بعديها بفتره "
= الناس اللي مبتسألش ؟
•مشهد رقم ٢.
"قاعدين 5 شباب في كافيه "
= هههههههههههه فاكر يا شادي لما كريم جِه يلعب بكوتش مقطوع والارض سخنه وكان بيتنطط زي القرد
_ ايوا فاكر ههههههههههه وفاكر لما روحنا ناكل ومكنش معاه فلوس
" بيمثل انه بيضحك عشان ميبكيش " - ههه فاكر
• مشهد رقم ٣.
= نفسي اعرف ده يبصلك ع ايه وبصلك ازاي اصلا شكله اتعمي قريب * بتضحك*
" صاحبتها " = ههههههههه او عملاله عمل
- النصيب بقي :')
• مشهد رقم ٤.
" ولد نازل من الفصل بيدور ع بقيت صحابه اللي سابوه ومشيوا عشان فاكرينه لزقه , بس هو مش لزقه هو بس ملوش غيرهم "
واول ما صحابه يشوفوه بيروحوا يستخبوا منه عشان ميشوفهومش ولما بيشوفهم يجري عليهم
= يابني كنت فين كنا بندور عليك
- بجد بتدوّروا عليا!
• مشهد رقم ٥.
= بس عارفه سارة ديه مش كويسه بوشين صدقيني , وكمان خبيثه ف نفسها
" بتدخل عليهم سارة وهي بتضحك عشان بتشوف صحابها "
= كنا لسه بنقول هنكلمك عشان وحشتينا
- وانتوا كمان وحشتوني جدا
• مشهد رقم ٦ .
= ايه ده هتتصل بيه ليه ؟
- اصله بيضحكنا , اتصل بيه يلا
• مشهد رقم ٧ .
" بيتصلوا ببعض عشان ينزلوا يتقابلوا "
" كل واحدة فيهم واخده واحدة وقاعدين يتوشوشوا ف ودن بعض وهي بتتفرج في صمت "
• مشهد رقم ٨ .
" بيعرف ان صاحبه عنده برد بيلبس وينزل يزوره "
" بعديها باسبوع تخبطه عربيه وصاحبه اللي هو زاره ده ولا عبره حتي "
لا دول مش صحاب ..
- اللي يقولك بحبك وفي ضهرك يتكلم عليك يبقي انسان قذر مش صاحبك ..
- اللي يقل منك قدام صحابك او يقول سر ليك قدام ناس غريبه لمجرد انكوا بتهزروا ميبقاش صاحبك يبقي قذر✋
- اللي يتريق ع لبسك , شكلك , طريقه كلامك , ظروفك , زعلك , ميبقاش صاحبك يبقي قذر ✋
- اللي يستهزأ بيك قدام اي حد او حتي قدام نفسك ده ميبقاش صحبك يبقي قذر !
اللي ميحترمش خنقتك وحزنك ويقف جمبك زي مـ انت ما بتقف جمبوا , ميبقاش صاحبك يبقي قذر ✋
- اللي بيقولولك يلا نخرج وبتاع عشان انت تبقي تريقه القعده او الخليل كوميدي بتاع القعدة ده يبقي مش صاحبك ده قذر ✋
- اللي ميردش غيبتك وانت مش موجود ميبقاش صاحبك يبقي قذر ☺
- لما تجري لما تعرف ان حد من صحابك عيان او فيه حاجة ولما انت تكون مريض زيه محدش يجيلك يبقي ساعتها انت اللي قذر مش هما 😁
- مينفعش بمجرد ما اتكلم مع حد اقوله انت صحبي
- انت حد اتكلمت معاه كام مره ومحترم كلامنا جداً والله بس انت مش صاحبي ☺
- مش اي حد يقولك كلمة حلوة تصدق انه بيخاف عليك بجد
- مش اي حد يكلمك وقت ما يكون فاضي تفتكر انت انه سايب كل حاجة وراه عشان يكلمك ف تستجدعه ✋
- صاحبك اللي بجد هو اللي يسمعك من غير ما يمِل , ويخاف عليك , يوم ما تبعد وتيجي ليه تاني ميعلقش المشانق لا يسامح , يبقي معاك وقت زعلك زي ما معاك وقت فرحك , هو ده الصاحب بجد ☺
اختاروا ناس عدله وصاحبوها 😃
- الاهتمام لو محسيتوش من صاحبك متطلبوش ✋
- لو وجودك معاهم زي عدمه امشي وروح عند ناس بجد مستنين وجودك جمبهم 😊
واوعي .. وكمان مره اوعي متلاقيش حد عدل تصاحبه ف تصاحب اللي تلاق

يه