خليك جدع للاخر

[marit jesus]

لما تروح لصاحبك او اخوك مشوار او تقضي له خدمة.
بالتأكيد هاتتعب شوية.
( الحو حر او برد. مافيش مواصلات. الدنيا زحمة. اتاخرت في المشوار بتاعه. صرفت مواصلات بزيادة شوية. رجلك وجعتك من المشي . شيلت له حاجات ثقيلة.............. الخ ). لازم هاتتعب
ولازم تعرف ان ده طبيعي.
وعشان ده طبيعي انك تتعب. بلاش تحكي لصاحبك علي التعب ده.
خليك جدع وكمل جميلك. ماتتعبش قلبه باللي حصل معاك. و ( تُرِيقْ ماء وجهه بالإعتذار ).
حسسه انك ( حاسس انك ماتعبتش ولا اي حاجه. وكان مشوار سهل ).
ساعتها قيمتك في عينه هاتزيد جدا. والمودة بينكم هاتزيد جدا جدا .
جرب وشوف 😃
⬅ هاتعمل جميل لحد. يبقي بلاش تحكي البهدلة اللي انت اتبهدلتها وتحسسه انك ( بتعايره انك تعبت له ).
⬅ خليك جدع للآخر.