|
 |
 |
 |
|
رقم المشاركة : ( 1 )
07 - 02 - 2017, 08:46 AM
|
|||||||||||
|
|||||||||||
|
بسبب الاتهامات العنيفة التي توجه لرجل الله يونان فقد وكلني هذا القديس لارد علي ملايين البشر دفاعا عنه واذكر فضائله اولاً الكتاب المقدس لما وضع ضعفات يونان وغيره من الانبياء مش قصده اننا ندينهم او نتحسر عليهم او حتي نوعظ بيهم ونقول شوفوا عمل ايه ؟ اوعي تعمل زيه لكن علشان يذكروا جانب الضعف البشري والمشاعر الانسانية الطبيعية وكيف نتعامل معها وكيف يتعامل معها الله ثانيا يونان صحيح هرب لكن هرب من تتميم مهمة صعبة وهي الكرازة وتقديم الحب لمجتمع عنيف يعاديه .. اما انا وانت بنهرب من تتميم حاجات هايفة جدا بيامرنا بيها الله بنتجاهل صوته ونهرب من اجل شهواتنا ورغباتنا ومصالحنا ... ثالثا يونان اعترف انه هرب ، اما انا وانت نادرا مابنعترف اننا هربنا في الموقف ده من الله ووصيته رابعا يونان كان حقيقي مع نفسه ومع الاخرين لما حس الله عايز يقوله ايه من العواصف والامواج العنيفة وقالهم انا السبب القوني فتهدا السفينة .. ونلاحظ هنا ان يونان هرب من تنفيذ كلام الله لكن ماهربش من الحقيقة او حاول يبرر ان ده طبيعي جدا .. اما احنا كتير الله بيبعت لينا امواج عنيفة علشان نفوق وبنهرب من الحقيقة ونحاول نقنع نفسنا ان ده طبيعي جدا خامسا يونان فهم الدرس بسرعة وصلي وصرخ وتاب وقال لله انا تحت امرك ، اما انا وانت كتير بنستحلي القعدة جوة الحوت وبناقلم نفسنا عليها علشان مانصرخش ونتوب ونرجع عن طريقنا الغلط سادسا يونان وسط ضلمة الحوت كان عنده رجاء في الله الحي المحب الراعي انه مش هايسيبه وكانت صلاته كلها رجاء وفي اخر الصلاة قال اعود واري هيكل قدس الرب اسبح بالحمد لان الرب قد سمع صلاتي ، اما انا وانت من اصغر نفق مظلم بنرتعب ونصرخ بصلوات كلها يأس وكأبة سابعا يونان هو الخادم الوحيد في الكتاب المقدس اللي حزن لما الشعب اللي كرز ليه تاب (شئ غريب جدا) لكن تعالي نحسبها كده انا وانت بنصلي من اجل شخص ربنا يكرمه ويوم ما يكرمه بطريقة ما انت من جواك بتحزن وبتشعر انه بقي احسن منك (لكن بتحاول تخبي ده) يونان هرب وفهم الدرس بسرعة ورجع وتمم رسالته ونجح ... لكن لسه فيه مليون يونان بيحاول يهرب ومليون يونان هربان ولسه مارجعش ومليون يونان لسه مافهمش الدرس ومليون يونان لسه مافهمش رسالته ودعوته ... ورغم ده كله مازلنا كل سنة بنلوم يونان النبي رجل الله الرائع #فضائل_يونان #احنا_اسفين_يايونان 
|
|
07 - 02 - 2017, 08:53 AM
|
رقم المشاركة : ( 2 ) | ||||
|
..::| الاشراف العام |::..
|
رد: احنا_اسفين_يايونان
جميله جدااااااااااا
ميرسى ربنا يبارك تعب محبتك |
||||
|
|
|
07 - 02 - 2017, 10:10 AM
|
رقم المشاركة : ( 3 ) | ||||
|
† Admin Woman †
|
رد: احنا_اسفين_يايونان
مشاركة جميلة جدا ربنا يبارك حياتك |
||||
|
|
|
07 - 02 - 2017, 04:15 PM
|
رقم المشاركة : ( 4 ) | ||||
|
..::| الإدارة العامة |::..
|
رد: احنا_اسفين_يايونان
ميرسي كتير على مروركم الغالى
|
||||
|
|
|
10 - 02 - 2017, 09:35 PM
|
رقم المشاركة : ( 6 ) | ||||
|
..::| الإدارة العامة |::..
|
رد: احنا_اسفين_يايونان
ميرسى على مرورك الغالى مينا
|
||||
|
|
العرض العادي
