|
 |
 |
 |
|
رقم المشاركة : ( 1 )
29 - 01 - 2017, 07:02 PM
|
|||||||||||
|
|||||||||||
|
(( بعد عام من العلاج ، قال لي الطبيب النفسي : ربما الحياة ليست للجميع .. )) .. لاري براون ، ، في فرق كبير بين ( الحزن ) و ( التعاسة ) و يمكن من أكبر مشاكلنا أننا مش قادرين ندرك الفرق ده .. حسب معجم المعاني ،، الحزن هو الشعور اللي لما بيتملك شخص يخليه " يحس" بضيق و تعب من جواه .. فالحزين شايل هم مسبب له " ألم داخلي " بيدفعه انه يفكر كتير عشان يخلص من الهم ده ... أما التعاسة فهي " حالة " مش مجرد شعور عابر ، لا ديه حالة بيلبسها الشخص و كأنها هدومه بتغطي كل حته منه ... فتلوث رؤيته و تشوه أدراكه .. حالة بتتميز بـ " إهلاك " الشخص ! سواء علي المستوي النفسي او حتي العضوي ، فهنا في ضرر بالغ بيحصل للفرد التعيس فالحزن بمجرد زوال الهم او الوصول لحل في المشكلة يختفي او يدوب في زحمة الحياة .. اما التعاسة ملهاش سبب تقدر تشاور عليه او تحدده أنما هي بتتحد مع قلب و فكر و روح الشخص التعيس , ... فالتعاسة فيها طابع الثبوت و الألتصاق ! المدهش في الموضوع أن مفيش حد بيوصل للتعاسة إلا و لو كان الحزن كان محطته الاولي .. فنقطة تجاوز الحزن و الوصول للتعاسه , نقطة مهمة جدا لتجنب الوصول للمرحلة ديه.. فبالنسبة لمواطن حاصل علي جنسية في جمهورية التعاسة بيبقي البعد عن موطنه ده فيها نوع من الشدة و القسوة يكاد يكون مساوي لألم اقتلاع شجره من جذورها الأم ... و يبقي الانسان وصل لمرحلة عميقة من الألم لدرجة أن مبقاش في اي حاجة تاني تقدر تألمه.! .. و تبقي ديه مرحلة اللارجوع .. مرحلة قمة التعاسة ... 
|
|
العرض الشجري