| |
|
|
|
|
|
||||||
|
|
أدوات الموضوع | انواع عرض الموضوع |
|
#1
13 - 01 - 2017, 11:17 AM
|
||||
|
||||
|
يا عمي انا جاي اطلب ايد بنتك سؤال كان دايما بيحيرني هو اشمعنى ايد بنتك بس اللى بيطلبها رغم انه بياخدها كلها على بعض تفكيري هداني لانه هيلبسها الدبل في ايديها قلت طيب و قت الشبكة هيقوله يا عمي انا جاي اطلب ايد وودن و رقبة بنتك و لا ايه مش مهم المهم ان الأستاذ جاي يخطب و ده في حد ذاته خطوة مهمة و في حد ذاتها كويسة طيب الأهم دلوقتى انه يعملها صح  عاوز اقولك شوية نصايح يا رب تنفعك اللى رايح يتقدم لواحدة دلوقتى يا اما واحدة ميعرفهاش خالص قبل كده وممكن يكون شافها في مكان واول لما شافها قالهم جوزوني دي او ميعرفهاش قبل كده و اول مرة يدخل بيتهم  اول نصيحة في الموقف ده انك لما تروح لازم تكون سألت عن البيت قبل ما تروحه بلاش تعمل جو الأفلام العربي اللى شاف واحدة في الشارع و اتهبل عليها ومشي وراها لغاية البيت و طلع يتقدم لاهلها عارف ليه انت لازم تسأل قبل ما تروح؟؟؟؟ لانك هتتجوز مش هتصاحب الجواز يعنى استقرار و اسرة و عائلتين جداد اصبحوا عيلة واحدة يبقى لازم تطمن على حاجتين مهمتين الأولى البنت اللى هتتجوزها تنفع تكون زوجتك وام عيالك لان الزوجة هي اللى بتربي مش الزوج كل مهمة الزوج انه يحافظ على اللى هي بتعمله او يبوظه ثانيا البيت اللى هي فيه ده هيطلع منه الخال و الخالة و الجد و الجدة فيا ترى ينفعوا دول في الوظايف دي و لا عشان ميكونش في مشاكل في الموضوع ده و لما تبص على العيلة خلى بالك من شوية حاجات : 1-الخال والد 2-الأخت بتغير من اختها 3-لو الاب هو راجل البيت و مش متسلط غالبا المشاكل هتكون قليلة ولو الام هي راجل البيت في الغالب هتكون المشاكل لا حصر لها ولو الاب او الام متسلطين بزيادة غالبا البنت هتطلع عينك لان اغلب أبناء المتسلطين بيكونوا عندهم عقدة من موضوع السلطة 4-اخر قاعدة و هي اهم قاعدة اقلب القدرة على فمها تطلع البت لامها غصباً عنها بس مش نسخة منها اوعى تقنعنى ان البنت اللى عاشرت أمها كل السنين دي و اللى شايلة نص جيناتها مش تكون زيها على الأقل في نص صفاتها نكمل كلام بعد ما سألت و طلعت البيت و حسيت بألفة في البيت ده و راحة نفسية وده طبعا بعد لما تكون صليت عشان ربنا يوفقك لما فيه الخير هنركز دلوقتى في حاجتين مهمتين جداااااااااااااااا و هو البنت شكلها ايه و طريقتها في الكلام ازاي لان دول اكتر حاجة انت هتتعامل معاها بقية عمرك خلاص عدينا كل الخطوات اللى فاتت بس قبل ما نكمل الخطوة اللى بعدها عاوزين نكمل نقطة مكملنهاش و هي احنا قلنا يمكن رايح يتقدم لواحدة ميعرفهاش و ماقلناش لو رايح يتقدم لواحدة يعرفها قبل كده و ده حالاته كتير زي يا اما قريبته او جارته او زميلته في الشغل او صاحبته اقولك على نصيحة لوجه الله لو انت كنت مصاحبها و ناوي تتجوزها ارجع اقرأ تانى اللى قلته بالنسبة للى رايح تتقدملها هي و أهلها و بعد كده ارجع تانى كمل المقالة كل اللى فات اتطمنا عليه ندخل على النقطة اللى بعدها و دي اخطر نقطة في موضوع الجواز و اللى كتير من حالات الطلاق بتحصل بسببها السؤال: هو حضرتك بتتجوز ليه؟؟؟؟؟؟؟؟؟ واياً كانت اجابتك السؤال التاني:ما هي الصفات المطلوبة شكلا وصفاتاً و عائليةً في الزوجة اللى انت عاوز تتجوزها عشان تحقق السبب في إجابة السؤال الأول يعنى لو عاوز تتجوز واحدة عشان تساعدك في مصاريف البيت(مثلاً يعني) يبقى مينفعش تتجوز واحدة مبتشتغلش و العكس لو عاوز تتجوز واحدة عشان تكون مستنياك في البيت لما ترجع و تتجوزها بتشتغل مثلاً لا ده ينفع و لا ده ينفع انت عاوز تتجوزها عشان تعملوا ايه مع بعض و ايه هي الصفات اللى عاوزها تكون فيها بعد ما كتبت كل الصفات اللى انت عاوزها افتكر حاجة اهم مفيش زوجة مثالية خالص يبقى في جزء من الشروط اللى انت حاطيتها دي اعمل حسابك انك ممكن تتنازل عنها و في صفات تانية مينفعش تتنازل عنها و على أساس كده حدد البنت اللى هتتجوزها عاوزها ايه وانتى كمان حددي الولد اللى ناوية تتجوزيه عاوزاه ايه على فكرة كل الكلام اللى انا كتبته من اول المقالة يناسب الاتنين الشاب او الشابة cpd 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| يارب اشفي بنتك ماري (بنتك يايسوع) | Mary Naeem | قسم طلبات الصلاة | 8 | 24 - 12 - 2023 12:47 PM |
| اطلب اختياره اطلب مشيئته | walaa farouk | أية من الكتاب المقدس وتأمل | 0 | 25 - 01 - 2021 12:35 AM |
| لا اطلب حياة خالية من المشاكل لكنى اطلب رؤيتك ربى وسط العاصفة | walaa farouk | صورة وتعليق | 2 | 04 - 07 - 2019 03:05 AM |
| بنتك انا | marit jesus | صورة وأية من الكتاب المقدس | 2 | 05 - 09 - 2015 10:56 AM |
| توتك | Mary Naeem | صور كاريكاتير | 4 | 31 - 07 - 2013 09:46 AM |
العرض الشجري