| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
24 - 12 - 2016, 10:17 AM
|
||||
|
||||
|
ليه دايما بنفترض ان الاساس في عدم سمعان الكلام هو التمرد و العصيان مش يمكن يكونوا ولادنا بيمدولنا ايدهم عشان نساعدهم؟ طبيعة الانسان مش بيحب يتقيد بالتزامات كتير و بيتخنق من افعل ولا تفعل عشان كده حطيت كام نقطة تساعد ولادنا انهم يكونوا متعاونين و يلتزموا بقوانين البيت 1-الاطفال أفراد مهمين عايشين معانا في نفس البيت. عشان كده لازم يكون ليهم دور في الاتفاق على قوانين البيت. في قاعدة عائلية ودية كل فرد يقترح القوانين اللي عايزها. و بالنقاش و الحوار نقدر نتفق على شروط تريح الكل و (تمشي على الكل)✔✔✔ 2-مفيش مفر من ان حد ينسى حاجة من القوانين. عشان كده هنساعد ولادنا انهم يفتكروا ايه اللي ليهم واللي عليهم باستعمال ورق او بوسترز نعلقه في المكان المناسب (ورقة على باب الحمام مثلا مكتوب فيها "طفي النور اول ما تخرج") 3-زي ما اتفقنا هتتكلم عن مشاعرك و انت بتحاول تشرح سبب القانون و تقنعه به (مائة خط تحت مشاعرك) زي كأنك تقول لابنك "بزعل اما الاقيك رامي هدومك على الأرض و نفسي تحافظ عليها اكتر عشان متتوسخش بسهولة" 4-اديله معلومة قيمة تفيده طول عمره من غير لوم ولا عتاب. في اطفال كتير بتحب الشخصية العملية و محتاجة تقنعها بالعقل "العين محتاجة راحة من الشاشات كل ساعة عشان ادائها ميضعفش" طب انا عملت كل الكلام ده و لسه ولادي مش راضيين يسمعوا الكلام...اعمل ايه؟!! هتعامله بأنه شخص ناضج و مسئول و تقعد معاه باحترام و تقوله "انا ملاحظ انك نفسك اوي تسهر عن معاد النوم لكن المشكلة ان قلة النوم بتأثر على التركيز..تعالى نفكر سوا في حلول تساعدك و تساعدني اننا نحل المشكلة دي" و تجمع افكار منه و منك و تكتبوها على ورقة كلها بدون حكم و في الآخر تشوفوا ايه اكتر اقتراح مناسب و تطبقوه سوا. الاستراتيجية دي اسمها Problem solving و هي بتضيف للطفل مهارات فوق الوصف✔✔ و تقدر ترجعلها تاني و تالت لحد توصل لحل يرضي جميع الاطراف. احنا في زمن ما بعد الثورة و طريقة الأمر و النهى خلاص معادتش بتجيب نتيجة انا عارفة انه اسهل مليون مرة انك تكافيء اللي يلتزم بسمعان الكلام و تعاقب المقصر بس مفهوم التربية بتاع الزمن ده اختلف معادش مقتصر على ان الابن يسمع الكلام و ياكل كويس و يجيب درجات عالية انت عايز ابنك يكون شخصية..يكون مميز..يكون علامة انت عايز انسان يكون مختلف و يسيب اثر في اللي حواليه لو مكانش كده مكنتش جيت تقرى الكلام ده يمكن تحس ان الموضوع صعب و محتاج منك صبر و مجهود اكبر لكن مع الوقت هتتحول المهارة الى عادة و هتكون انت اكتر واحد هيستمتع برحلة التربية دي رحلة بناء الانسان 
|
|
#2
24 - 12 - 2016, 12:03 PM
|
||||
|
||||
|
ميرسي على الموضوع الجميل رينا
|
|
#3
24 - 12 - 2016, 02:59 PM
|
||||
|
||||
|
مشاركة جميلة جدا ربنا يبارك حياتك
|
|
#4
26 - 12 - 2016, 01:32 PM
|
||||
|
||||
|
ميرسى لمروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| حينما تتوقف عقارب الزمن لحظات فارقة تجعل الزمن بلا معنى | Mary Naeem | قسم المواضيع العامة المتنوعة | 0 | 27 - 02 - 2019 05:53 PM |
| انت بتاع ربنا مش بتاع حد | Mary Naeem | موسوعة توبيكات مميزة | 2 | 15 - 10 - 2017 11:31 AM |
| انت بتاع ربنا مش بتاع حد | walaa farouk | قسم المواضيع المسيحية المتنوعة | 2 | 14 - 10 - 2017 09:10 PM |
| ان المعجزات لا تباع وأن كانت فرضاً تباع | Mary Naeem | موسوعة توبيكات مميزة | 0 | 02 - 01 - 2016 05:16 PM |
| فضيحة كبرى لوكيلة وزارة التربية والتعليم بالقاهرة بشأن تدريس الدين المسيحى وبلاغ لوزير التربية والتع | Mary Naeem | قسم الأخبار العالمية والمحلية | 0 | 09 - 03 - 2015 03:11 PM |
العرض العادي
