الاحتياج وجع في قلوب ناس كتير.اللي محتاج حب اللي محتاج حد يطبطب عليه..اللي عمره ما ابوه وامه خدوه بالحضن ومحتاج للحضن..اللي محتاج يعرف يعيش ويأكل عياله.. اللي محتاج يفرح..اللي محتاج يرتاح.اللي محتاج حد يفهمه..اللي محتاج صاحب حقيقي..اللي محتاج يبطل الخطيه اللي دايما كسراه..انواع كتير من الاحتياج.. ولكن فجاءه بنقف قصاد نفسنا ونقول انا محتاجلك يارب ونكتشف ان الحاجه الي واحد وفعلا تلاقي راحتك معاه بس فجاءه تقع وبردو ترجع تحتاج لكل ده تاني.. ايه الحل؟؟. بنقول في القداس الغريغوري(لم تكن انت محتاج لعبوديتي بل انا المحتاج الي ربوبيتك)..الحل انك تشدد من نفسك تاني ويوم مانحتاج اي شئ نلاقيه هايفصلنا عن احتياجنا لربوبيه الله نجري عليه ونقوله محتاج حب.محتاج حضن.محتاج ابوه.محتاج امومه..محتاج اخوه..محتاج صاحب. محتاج يتحس بيا..محتاج ابطل خطيه..ساعتها هنا ابقي عملت اللي عليا ورميت احتياجي عنده ولاني مؤمن انه اب ويسدد احتياجي هالاقي نفسي مرتاح حتي لو فضل احتياجي ماتسددتش لكن وجوده في حياتي هايبقي كفايتي..ويوم ما اقوله انا محتاج السما كل ده هايزيد ليا وهابقي مش عاوز حاجه غير السما
19 - 10 - 2016, 07:15 AM
العرض الشجري