العدرا معايا فى كل زمان

[بنت يسوع المسيح]

عينها بتحرسنى فى كل مكان
دايما شفاعتها تعزينى وتخلى قلبى فرحان
وكل ما اتوه فى العالم بتكون لعنيا عنوان
حبها بيجرى فى دمى ويسرى فى كل الكيان
كام مره اكون متضايق كام مره اكون تعبان
كل ما بكون مهموم وقلبى حزين زعلان
مجرد ما صورتها تجينى تدينى سلام وامان
العدرا مش بس امى كل حاجه فى حياتى كمان
العدرا نور لعنيا ونور لعيون العميان
العدرا مش صوت فى ودنى دى صوت بيدوى فى الودان
العدرا مش مجرد كلمه ممكن تتقال باللسان
دى قوة فعلا جبارة واسمها اجلى من كل بيان
العدرا قوة جبارة صلاتها ترعب الشيطان
العدرا دى حياة يحياها كل انسان
ياريت نتمثل بيها ونثبت فى الايمان ....
اشفعى فينا يا عدرا يا أم الديان ...