مظهر شاهين: سلامة عبد القوي شغال في تركيا الساعة بخمسة جنيه
شن خطيب وإمام مسجد عمر مكرم، مظهر شاهين، هجومًا حادا على الشيخ سلامة عبد القوى مستشار وزير الأوقاف السابق، ووصفه بالفاشل وأنه تم طرده من وزارة الأوقاف وتطهيرها منه ومن أمثاله.
قال شاهين عبر تدوينة له على فيس بوك، اليوم الخميس: "سلامة عبد القوى اﻹخواني الفاشل المفصول من وزارة الأوقاف واللي عنده 300 يوم جزاء واللي كان بيقول إنه مش إخوان واللي إحنا طردناه من وزارة الأوقاف وطهرناها من أمثاله بيناضل في تركيا الساعة بخمسة جنيه والحسابة بتحسب ونحن جميعا في انتظار الشريط في مطار القاهرة".
وأضاف شاهين: "ليل ونهار بيهاجم في مصر ويحرض على جيشها وشرطتها وقضائها اللي أشرف منه ومن أمثاله... ابقى سلملي على حريم السلطان".
فيما تساءل شاهين عن مصدر رزق الشيخ سلامة قائلًا: "هو صحيح انت بتاكل عندك على حساب مين؟"
ونوه خطيب وإمام مسجد عمر مكرم إلى تعنت الشيخ سلامة معه إبان حكم الرئيس الأسبق محمد مرسي قائلًا: "فاكر لما أصدرتم قرارا بإيقافي عن العمل وبليته وسقيتكم ميته ووضعت قراركم تحت جزمتي وبهدلتكم وخليت اللي ما يشتري يتفرج عليكم وخطبت في المسجد والجزمة على دماغكم وانتم في قلب الحكم وبقيت أنا في المسجد وهربتم خارج البلاد؟.. اتعلموا الرجولة بقى...الرجال لا يهربون كالفئران".
10 - 04 - 2014, 03:37 PM
العرض العادي
