"بكرة تتعود"
كلمتين بنقولهم لناس كتير ونرددهم في أعماقنا برضه عند اللزوم.. خصوصا لما ظروفنا تتغير.. نتنقل من مكان لمكان.. نغيَّر شغلنا.. أولادنا يتجوزوا أو يسافروا.. الخ الخ .. لكن التعود بتزيد صعوبته لما يفارقنا شخص عزيز علينا بالإنتقال من عالمنا.. ونكون عارفين إننا مش هنشوفه تاني، غير طبعا إذا كنا هنتقابل في الحياة الأبدية.. أو إننا نقرر نقطع علاقتنا بشخص لا يصح إننا نكون في علاقة معاه.. أوقات كتير نقول الزمن كفيل إنه يجعلنا نتعود علي عدم وجوده .. وساعتها التعود بيكون نعمة بنطلبها ونتمناها.. المشكلة بتكون لما نضبط نفسنا اتعودنا علي وضع غلط.. ونظل مستمرين فيه.. زي تراخي عن القيام بدور معين لازم نقوم به.. أو التواجد في مكان لا يصح التواجد فيه.. أو التعايش مع خطية معينة ماينفعش نراعيها في قلوبنا وحياتنا.. أو نستمر نمارس صفة معينة ممكن تكون متعبة للناس اللي حولنا، وإحنا ماعندناش مشكلة نفضل زي مااحنا.. اتعودنا علي كده وخلاص.. ساعتها التعود بيتحول الي نقمة .. لنا وللي حوالينا.. ولقيت نفسي بأقول "اختبرني يا الله واعرف قلبي .. امتحني واعرف أفكاري .. وانظر إن كان في طريقٌ باطلٌ .. واهدني طريقا أبديا" مزمور ١٣٩: ٢٣، ٢٤
20 - 12 - 2013, 08:58 PM
قد تكون مهتم بالمواضيع التالية ايضاً
العرض الشجري