افتكر ان انت مش لوحدك

[walaa farouk]

والسؤال اللي بيتقال في كل وقت لما تحصل حاجة صعبة " هو ربنا فين؟! " ليه ساكت على كل ده.. وللأسف السؤال ده مش من دلوقتي بس، لأ دا من زمان من أيام ارميا النبي كمان وكان الرد اللي جه لارميا على سؤال زي ده " أنا ساهر على كلمتي لأضمن تحقيقها" واللي اكتشفته أن الاجابة دي تنقع أوي لكل المواقف اللي بنسأل فيها السؤال ده..
لو أنت حاسس بظلم في حاجة أو اتعرضت لموقف صعب ومش لاقي حل ومعندكش حد تروح له دي رسالة ربنا ليك النهاردة، لو شايف حقك مهضوم ولو عملت كل اللي عليك وماوصلتش لحاجة، الله بيقولك أطمن، كل اللي قالهولك هيحصل بالحرف، مافيش حاجة هتعطل ولا هتأخر عمل ربنا معاك .. وافتكر ان انت مش لوحدك