أسماء محفوظ: من يتهم الشباب بالخيانة.. "قذر ومنحط"
قالت "أسماء محفوظ" الناشطة السياسية: إنها غاضبة من الإتهامات الموجهة لشباب ثورة 25 يناير، وإدعاءات البعض عليهم بالعمالة للخارج، و تقاضي أموال لإشعال الفتنة في مصر.
وأضافت "محفوظ" عبر صفحتها على موقع التواصل الإجتماعى "فيس بوك": "منتهى السفالة والانحطاط والقذارة الناس اللي سايبة كل حاجة بتحصل في البلد، وتيجي تقولي إنتو السبب، إنتو اللي بتاخدو تمويل وعيشتكو إرتاحت، إنتو اللي خربتو مصر، ودم الناس في رقابتكو".
و أضافت : "تصدقو احنا السبب فعلاً أصل إحنا اللي سعينا للسلطة، وحكمنا البلد، وسرقناها ونهبناها، إحنا السبب في إنتشار السلاح، وإحنا اللي نملك القنوات الإعلامية، وعاملين برامج وبنقول للناس تعمل أيه ومتعملش أيه، وإحنا السبب فعلا في فساد القضاء اللي مش عارف يحاكمنا، ولا ماسكك علينا دليل تمويلنا".
وأوضحت: "إحنا السبب فعلاً عشان مكناش بنطلع وقت الإشتباكات متشيكين ولابسين اللي على الحبل عشان نقول إننا ولاد ناس، ولما الناس تشوفنا بهيئتنا العادية ميقولوش شكلكو اتغير والفلوس بانت عليكو، وإحنا السبب فعلا عشان مش بنتاجر بعقولكم كان زماننا زعماء دلوقتي وبتصدقو أي كدب ممكن نقوله، احنا العملا بتوع أمريكا، وإيران، وحزب الله، وحماس، والاخوان، وأمن الدولة، والمخابرات، وإسرائيل، وإحنا العلمانيين الشيوعيين الإسلاميين الماسونين، إحنا كل ده".
الفجر الاليكترونية -
24 - 07 - 2013, 10:26 AM
العرض العادي
