| |
|
|
|
|
|
||||||
|
|
أدوات الموضوع | انواع عرض الموضوع |
|
#1
03 - 08 - 2012, 10:14 AM
|
||||
|
||||
|
الشخصيات : الراوي – يسوع – يايرس – إمرأة – التلاميذ – الخدامين الراوي : هل حسيت قبل كده إنك يائس لدرجة إنك مش عارف تعمل إيه؟ تعالوا نقابل يايرس ... وهو أب قلقان قوي ... (صوت زحمة ) يايرس : لو سمحت ... يا يسوع من فضلك ساعدني ...أنا محتاج مساعدة منك علشان بنتي يسوع: أنت مين؟ يايرس: أنا اسمي يايرس ... أنا رئيس مجمع وعندي بنت واحدة وبتموت ، من فضلك تعال وحط ايديك عليها عشان تخف وترجع تعيش من تاني ... من فضلك تعال يا يسوع يسوع: حاضر أنا هاجي معاك يايرس: شكراً، تعال أنا هاوريك الطريق (صوت زحمة) الراوي: بس مكنتش بنت يايرس هي الوحيدة إللي محتاجة تخف... الراوي: بس مكنتش بنت يايرس هي الوحيدة إللي محتاجة تخف... المرأة: أهو ... يسوع أهو وسط زحمة الناس ... أنا ليا 12 سنة بأنزف وصرفت كل فلوسي ومفيش دكتور قدر يشفيني ... يمكن لو لمست ثوبه يسوع يقدر يشفيني ... أنا هاجرب ! (صوت زحمة) المرأة: يا إلهي ... أنا حاسسة بحاجة مختلفة ... النزيف وقف ... أنا خفيت يسوع: إستنوا ! مين لمسني ؟ التلاميذ: مين لمسك ؟ يايسوع إنت شايف زحمة الناس حوالك أد إيه إزاي تسأل مين لمسني! يسوع: أنا عايز أعرف مين لمسني ! الراوي: وفضل يسوع يبص على زحمة الناس إللي حواليه وإستنى يشوف مين إللي لمسه لحد ما جات واحدة ست لقدام وسجدت عند رجليه المرأة: أنا خايفة قوي بس أنا هاقولك الحقيقة أنا لمست ثوبك عشان أنا كنت عيانة ومفيش حد قدر يشفيني وقلت أنه لو لمست ثوبك قوتك هتشفيني يسوع: يا إمرأة إيمانك شفاكي ... إذهبي بسلام ... خلاص خفيتي ( صوت ضوضاء) الخدامين: من فضلك ... إحنا بندور على يايرس يايرس: أنا هنا الخدامين : يا سيد بنتك ماتت ، هتتعب يسوع ليه؟ يسوع : ماتسمعش ليهم وماتخافش يا يايرس ... آمن بس وإحنا هنروح بيتك (أصوات بكاء) يسوع: ليه كلكم بتبكوا؟ البنت ماماتتش هي بس نايمة (أصوات ضحك وبكاء وعدم تصديق) يسوع: كل الناس تخرج بره ... مفيش غير بابا ومامة البنت هما إللي هيجوا معايا الراوي: وبعدين دخل يسوع وبابا ومامة البنت وشوية من التلاميذ أوضة البنت الميتة، ومسك يسوع إيد البنت يسوع: يا صبية أنا باقولك قومي الراوي: وعلطول البنت قامت وقفت واتمشت وكل الناس كانت مذهولة يسوع: ياللا إدوها تاكل ... ومحدش يقول لأي حد على إللي حصل هنا إنهاردة (موسيقى) الراوي: يسوع استخدم قوته في شفاء الناس ومفيش حاجة أبداً صعبة على يسوع إنه يشفيها الراوي: لو عايز تقرا أكتر عن الناس إللي يسوع شفاهم إقرا إنجيل مرقس في العهد الجديد في كتابك المقدس 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| فهذا هو مايقوله القديس كيرلس بخصوص إقامة إبنة يايرس | walaa farouk | بستان الرهبان | حكم وتعاليم آباء البرية وأباء الرهبنة | 0 | 28 - 01 - 2024 10:14 PM |
| فيلم معجزة إقامة إبنة يايرس - كارتون | magdy-f | أفلام كارتون | 2 | 19 - 09 - 2015 05:57 PM |
| قصة إبنة يايرس "اسكتش" | Marina Greiss | أفكار جديدة للخدمة | 0 | 18 - 07 - 2013 07:03 PM |
| جدو أمين وعمو فطين مسابقات وحكايات إقامة إبنة يايرس | sama smsma | كليبات ومقاطع فيديو للأطفال | 0 | 23 - 03 - 2013 03:39 PM |
| اسكتش عن قصة إبنة يايرس | sama smsma | ركن أرشيف المواضيع | 1 | 22 - 03 - 2013 08:59 AM |
العرض الشجري