معلموناش اذاي نعتذر لنفسنا اللي زعلناها ومقدرنهاش

[walaa farouk]

علمونا في العظات والكتب اذاي نروح نعتذر لكل اللي زعلناه
بس معلموناش اذاي نعتذر لنفسنا اللي زعلناها ومقدرنهاش
عاتب نفسك وقولها ماتزعليش علي اللي عملته فيكي
سامحيني اني قبلت اوضاع وكلمات ومواقف وكتمت عليكي خليتك ماتنطقيش بكلمه
سامحيني اني كبتك وظلمتك وقللت منك
سامحيني انك كنتي بتتوجعي وأجبرك انك تقولي عادي
واقولك عدي علشان كل النفوس غيرك تفرح إلا انتي
سامحيني ان لما كان صوتك بيعلي جوايا من الغضب
والحزن اكتمك بعظه وتأمل من غيرك ما قولك عندك حق واشفيكي بالحق الاول
سامحيني يا نفسي ان خليت اي حد يتعبك
بكلمات ونظرات ومواقف وقولتلك هما صح وانتي غلط
سامحيني يا نفسي لما كنتي عاوزه تروحي لمصدر الراحه
والفرح روح الله واقولك لا خليكي هنا علشان الجسد يبقي راضي وفرحان
سامحيني يا نفسي ان خليتك مالكيش قيمه مع ان الكتاب قال
أَيُّهَا الْحَبِيبُ، فِي كُلِّ شَيْءٍ أَرُومُ أَنْ تَكُونَ نَاجِحًا وَصَحِيحًا، كَمَا أَنَّ نَفْسَكَ نَاجِحَةٌ.
سامحيني يا نفسي اني فشلتك ودوست علي حقك
سامحيني يا نفسي اني فهمتك
ان لو اهتميت بيكي ابقي متكبر ولو رضيت بقله القيمه ابقي متضع
سامحيني ان نسيتك وسط الحياه
انتي تستاهلي انك تكوني اقوي
قولي مع داود يا نفسي
5 لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟
تَرَجَّيِ اللهَ، لأَنِّي بَعْدُ أَحْمَدُهُ، خَلاَصَ وَجْهِي وَإِلهِي. سفر المزامير5:43