زوادة اليوم: تَعَلُّم الحِكمَة : 8 / 12 / 2025 /

[souad jaalouk]

زوادة اليوم:
تَعَلُّم الحِكمَة

بأحَد المجالِس طُرِح سؤال على أحد الحُكماء، والسؤال بيقول :

«من مين تعلَّمت الحِكمِة؟»

جاوَب :

«مِن الأعمى، يَلّي ما بيحُطّ إجرَيه عالأرض، وما بيِمشي على أيّ طريق إلّا من بعد ما يِختِبِر الطريق ويتعَرَّف عليها بعصاه».

الزوّادة بتحذِّرني وبتحَذّرَك :

«مِن عمى البَصيرة مِش مِن عمى البَصَر، أحلى ما يصحّ فينا قَول الكتاب المقدّس : لَهُم عيون ولا يُبصِرون». والله معك.